Print Friendly, PDF & Email

 

 

 

 

 

 

 

 

 

Siyasi Məhbusları Müdafiə Mərkəzi (SMMM)

  

“Avropa işi; Azərbaycanlı siyasi mühacirlərə və onların qohumlarına qarşı həyata keçirilən təzyiqlər, mövcud durum və reallıqlar” mövzusunda

H E S A B A T

  

Bakı şəhəri- 2018

Siyasi Məhbusları Müdafiə Mərkəzi

“Avropa işi; Azərbaycanlı siyasi mühacirlərə və onların qohumlarına qarşı həyata keçirilən təzyiqlər, mövcud durum və reallıqlar” mövzusunda

H E S A B A T

(Sənəd 30 oktyabr 2017- 01 mart 2018- ci illər aralığında hazırlanıb)

 

İçindəkilər;

  1. Ümumi məlumat. Səh.1
  2. Hesabatın hazırlanmasında məqsəd. Səh. 1-2
  3. Dünyada yaşayan azərbaycanlılar. Səh.2
  4. Avropada yaşayan azərbaycanlı ictimai fəallarla bağlı vəziyyət. Səh.2
  5. Avropa ölkələrində yaşayan siyasi mühacirlərin Azərbaycandakı qohumlarına qarşı həyata keçirilən təzyiqlər. Səh. 3-30
  6. Nəticə. Səh.30
  7. Təkliflər. Səh. 31
  8. İstifadə və istinad olunan mənbələr. Səh. 31

 

Ümumi məlumat. Təqdim olunan Hesabat Siyasi Məhbusları Müdafiə Mərkəzi (SMMM) tərəfindən hazırlanıb. Bu sənəd Avropada və digər ölkələrdə yaşayan azərbaycanlı siyasi mühacirlərlə bağlı cərəyan edən hadisələr, onların ictimai- siyasi fəaliyyəti ilə əlaqədar həmin şəxslərin ailə üzvlərinə, qohumlarına qarşı Azərbaycanda həyata keçirilən təzyiqlər, bu hadisələri doğuran səbəblər, mövcud durum və vəziyyətdən çıxış yolları ilə bağlıdır.

 

Hesabatın hazırlanmasında Avropa ölkələrində bu və ya digər formada əlaqəli şəkildə təzyiqlərə məruz qalan, həbs olunan şəxslər, onlara qarşı irəli sürülən rəsmi ittihamlardan, həmin şəxslərin özlərinin və müdafiəçilərinin fikirlərindən, mətbuatın xülasəsindən, yerli və beynəlxalq təşkilatların mövqeyini ifadə edən sənədlərdən, eləcə də Azərbaycan hökümətinin mövqeyindən, qanunvericilik aktlarından və s. istifadə olunub.

 

Hesabatın hazırlanmasında məqsəd. Statistik məlumatlara görə Azərbaycanda artan repressiyalar, əlverişsiz biznes mühiti, korrupsiya və monopoliyanın güclənməsi, təhlükəsiz yaşam, işsizlik problemləri və s. nöqteyi- nəzərdən son illər xeyli sayda insan ölkəni tərk edərək xarici ölkələrə üz tutur. Hazırda ölkədə təqiblərə məruz qalan xeyli sayda ictimai- siyasi fəal Avropada yaşayır və fəaliyyət göstərir. Onlar tez- tez Avropanın müxtəlif şəhərlərində Azərbaycan hakimiyyəti əleyhinə aksiyalar keçirirlər, siyasi məhbuslara azadlıq tələb edir, hakimiyyəti tənqid edirlər. Hakimiyyətin əli onlara çatmadığına görə onları susdurmaq və mövqelərindən geri çəkmək üçün həmin şəxslərin Azərbaycandakı ailə üzvlərinə və qohumlarına qarşı təzyiqlər həyata keçirir. Onların qohumlarını işdən çıxarır, polisə çağırıb təzyiq göstərir, həbs edir. Bəzən isə onları Avropadakı qohumlarından imtinaya məcbur edir.

 

Hesabatın hazırlanmasında məqsəd Avropada yaşayan siyasi mühacirlərin özlərinə və Azərbaycandakı ailə üzvlərinə, qohumlarına qarşı həyata keçirilən təzyiqləri araşdırmaq, problemi doğuran səbəbləri və çıxış yollarını özündə əks etdirən sənəd hazırlayıb onu aidiyyatı yerli və beynəlxalq qurumlara təqdim etməkdir. Diqqəti bu istiqamətdə baş verən hadisələrə yönəltməklə problemin həllinə yardımçı olmaqdır.

 

Dünyada yaşayan azərbaycanlılar…

Bir sıra qurumların (Diasporla İş üzrə Dövlət Komitəsi, Azərbaycan Rеspublikasının xarici ölkələrdəki diplоmatik nümayəndəliklərinin, Azərbaycan diaspоr təşkilatları və s.) vеrdiyi məlumatlara görə hazırda dünyada 50 milyondan artıq (bəzi mənbələrdə bu rəqəm 52 və 55 milyon göstərilir- red.) azərbaycanlı yaşayır ki, onların 10 milyondan çoxu mühacirdir.  42 ölkə üzrə aparılan statistikaya görə azərbaycanlıların ən çox məskunlaşdığı ölkələr qeyri-rəsmi məlumatlara görə, İran, Türkiyə və Rusiyadır. İranda 30 milyon, Türkiyədə 3,5 milyon, Rusiyada isə 3 milyondan artıq azərbaycanlı yaşayır.

Eyni zamanda İraq, Gürcüstan, Amerika Birləşmiş Ştatları, Almaniya, Misir, Pakistan, Ukrayna da azərbaycanlıların çox yaşadığı ölkələr içərəsində liderlik edir. Amma son illər Avropa ölkələrinə  mühacirət edən azərbaycanlıların sayı artmaqdadır.

 

Avropada yaşayan azərbaycanlı ictimai fəallarla bağlı vəziyyət

Yuxarıda qeyd olunduğu kimi müxtəlif səbəblər ucbatından son vaxtlar xeyli sayda əmək qabiliyyəti olan insanlar ölkəni tərk edərək dünyanın müxtəlif ölkələrinə, o cümlədən Avropaya üz tuturlar. Əvvəlki illərlə müqayisədə ölkədən gedənlərin sayı nəzərə çarpacaq dərəcədə artıb.

Almaniyanın Federal Statistika İdarəsinin məlumatına görə 1992-2016-cı illərdə 4406 Azərbaycan vətəndaşı yalnız Almaniyada bu ölkənin vətəndaşlığını alıb. İdarədən verilən məlumata görə, Almaniya vətəndaşlığı alan şəxslərin 2244 nəfəri, yaxud 50,9%-i qadın, 2162 nəfəri, yaxud 49,1%-i isə kişidir. Digər ölkələrdə də anolji statistika mövcuddur.

Müxtəlif ekspertlərin, o cümlədən tez- tez Avropa ölkələrinə səfər edərək araşdırma aparan tarixçi alim, Milli Şuranın sədri Cəmil Həsənlinin bildirdiyinə görə hazırda siyasi təqiblər, insan haqlarının kütləvi şəkildə pozulması, aclıq və yoxsulluq ucbatından son illər vətəni tərk edib Qərbi Avropanın müxtəlif ölkələrinə sığınan azərbaycanlıların sayı 700 min ətrafındadır və bunların 80 faizi əmək qabiliyyətli insanlardır, xüsusi ilə gənclərdir; “Hazırda Almaniyanın qaçqın düşərgələrində (kamplarında) məskunlaşan qaçqınların sayına görə ilk yerdə Suriya gəlirsə, sonrakı yerlərdə  Azərbaycan qaçqınları aparıcı yer tutur. Lakin insanlar Suriyanı müharibə nəticəsində tərk edirlər. Azərbaycandan isə  repressiyalar, ölkənin talan edilməsi insanların ölkənin gələcəyinə ümidini qırıb. Ölkə iqtisadiyatın çökməsi, büdcə talançılığı, hakim elitanın korrupsiyaya qurşanması, əhalinin kütləvi şəkildə yoxsullaşması, işsizliyin geniş yayılması, əmək haqqı və pensiyaların simvolik məzmun kəsb etməsi əhalinin kütləvi mühacirətinin başlıca səbəbləridir. Hətta adamlar hakim ailəyə məxsus aviaşirkətin yük yerində ölkədən qaçmağa başlayıblar. Hazırda xeyli sayda adam da ölkədən çıxmağın yolların axtarır”. Yeri gəlmişkən qeyd edək ki, Almaniyanın Münster şəhər məhkəməsi bu yaxınlarda bildirib ki, qaçqın statusu almaq üçün bu ölkəyə ən çox müraciəti Suriya, Əfqanıstan, İraq və Azərbaycan vətəndaşları edir.

Azərbaycan hakimiyyəti bəzi ictimai fəalları ölkəyə gətirib onları həbs edib. Əfqan Muxtarlı, Rauf Mirqədirov və s. Jurnalist Fikrət Hüseynlini Ukraynada həbs etdirsə də ölkəyə gətirə bilməyib. Eyni zamanda ölkəyə gətirə bilmədiyi, onun siyasətinə qarşı çıxış edən mühacirlərin isə Azərbaycanda olan ailə üzvləri və qohumlarına qarşı təzyiq edir.

Fəal ictimai mühacirlərin ailə üzvlərinə və yaxınlarına qarşı repressiv təzyiqlər həyata keçirilir.  Polisə çağırılıb hədə- qorxu gəlinir, həbs edilir. İşdən çıxarılır. Bəzən isə qohumlarını onlardan imtina etməyə məcbur edirlər.

Son zamanlar ölkədə repressiv, mühafizəkar siyasət gücləndiyindən (Konistitusiyaya və qanunvericilik aktlarına məhdudlaşdırıcı əlavələr edilib, mərkəzi icra hakimiyyəti möhkəmləndirilir, həbslər artıb, 160- dan artıq siyasi məhbus var və s.) Avropada yaşayan mühacirlərin də hökümətə yönəlik tənqidi çıxışları və aksiyaları da artıb. Son zamanlar Avropanın bir çox şəhərlərində belə aksiyalar daha da kütləvi xarakter alır. Ayrı- ayrı şəxslərin, ictimai fəalların, gənclərin, mühacir təşkilatların son zamanlar keçirdikləri silsilə  aksiyaları qeyd etmək olar. Bu aksiyaların keçirilməsi aksiyanın təşkilatçılarının və iştirakçılarının Azərbaycanda yaşayan ailə üzvlərinə və qohumlarına qarşı təzyiqlərin artması ilə müşahidə olunur. Bu faktların araşdırılması, fiksasiya edilməsinə, toplanmasına və Hesabat halına salınıb sistemlləşdirilməsinə ehtiyac var. Amma hələ bu günə qədər ictimailəşməyən xeyli məlumatlar var.

Avropa ölkələrində yaşayan siyasi mühacirlərin Azərbaycandakı qohumlarına qarşı həyata keçirilən təzyiqlər

 

2014- cü ildə vətəndaş cəmiyyəti fəallarına qarşı olan total hücumun ardınca Avropa ölkələrində yaşayan siyasi mühacilərin Azərbaycanda yaşayan qohumlarına qarşı təzyiqlər də güclənib. “Azadlıq” qəzetinin baş redaktoru Qənimət Zahid fəaliyyətindən dolayı onun Azərbaycanda (Şamaxıda- red.) yaşayan 2 qohumu həbs olundu. ABU- nun sabiq rektoru Elşad Abdullayevin qardaşı oğlu Mübariz Abdullayev, jurnalist Günel Mövludun qardaşları, Meydan Tv- nin redaktoru Emin Millinin qohumu, Turan Tv- nin əməkdaşı Türkel Azərtürkün bacanağı Emin Saqiyevə cinayət işi açılıb həbs olunub. Hollandiyada yaşayan blogger Orduxan Teymurxanın uşaqdan- böyüyə kimi 12 nəfər qohumu Suraxanı polisinə aparılaraq təzyiqlərə və işgəncəyə məruz qalıblar, qohumlarına inzibati həbs cəzası verilib. Eyni aqibətlə Almaniyada yaşayan blogger Tural Sadıqlının ailəsi üzləşib və qardaşı Elgiz Sadıqlı həbs olunub. Hazırda xeyli sayda azərbaycanlı siyasi mühacirlərin avropadakı fəaliyyətlərinə görə onların qohumları Azərbaycanda təzyiqlərə məruz qalır. Polisə çağrılıb hədə- qorxu gəlinir, həbs olunurlar, işdən çıxarılır və hədələnirlər.

Qohumları təzyiqlərə məruz qalan şəxslərdən bir çoxları qohumlarının təhlükəsizliyi və rifahı üçün bu məlumatların ictimailəşdirilməsini istəmir. Bəzi şəxslərlərlə bağlı detallı məlumatlara nəzər salaq;

 

Qənimət Zahid. Hazırda Fransada mühacir həyatı yaşayan “Azadlıq” qəzetinin və Turan TV- nin baş redaktoru Qənimət Zahidin qardaşı oğlu Rüfət Zahidov və əmisi oğlu Rövşən Zahidov 2015- ci ildə həbs olunub. Hər iki şəxs Cinayət Məcəlləsinin 234.4.1- ci maddəsi (qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma, qabaqcadan əlbir olan bir qrup şəxs tərəfindən və ya mütəşəkkil dəstə tərəfindən törədildikdə) ilə ittiham olunublar.

Bir sıra yerli və beynəlxalq təşkilatlar qeyd edib ki, Rüfət və Rövşən Zahidovlar qohumları Qənimət Zahidin fəaliyyətinə görə onu susdurmaq və qisas almaq məqsədilə narkotiklə şərlənərək həbs olunublar. Beynəlxalq Amnistiya (Amnesty International) təşkilatı onları vicdan məhbusu elan edib.

Məhkəmənin hökmü ilə Rüfət Zahidov və Rövşən Zahidovun hər biri  6 il müddətinə azadlıqdan məhrum edilib (https://news.milli.az/country/447319.html). Sonrakı müddətdə onlar Qənimət Zahidlə qohumluqdan imtinaya məcbur edildikdən və ona qarşı çıxış etdikdən sonra (https://www.amerikaninsesi.org/a/qanimat-zahid/3588904.html) azadlığa buraxılıblar.

Tural Sadıqlı. Geniş izləyici kütləsi olan “Azad söz” səhifəsinin admini, blogger Tural Sadıqlı tənqidi çıxışlarına və 2015- ci ilin fevralın 13-də Berlində dövlət başçısı İlham Əliyevin əleyhinə keçirilən aksiyada iştirak etdiyinə görə onun qardaşı Elgiz Sadıqlı Azərbaycanda polis tərəfindən narkotik  ittihamı ilə həbs olunub. O, beynəlxalq reaksiyalardan sonra şərti cəza ilə həbsdən azad edilib. Bu barədə 2015- 2016- cı il Hesabatında Amnesty İnternational təşkilatı yer ayırıb (https://www.amerikaninsesi.org/a/amnesty-international-azerbaycan/3204519.html). Sonrakı müddətdə Tural Sadıqlının fəaliyyətinə və admini olduğu “Azad söz” səhifəsində dərc olunan tənqidi yazılara görə onun atası Əlövsət Sadıqlı dəfələrlə polisə çağrılaraq təhdid edilib.

18 fevral 2018- ci ildə Tural Sadıqlının atası Əlövsət Sadıqlının Ramana qəsəbəsində yaşadığı ev polislər tərəfindən mühasirəyə alınıb. Evə gələn polislər qardaşı Elgizin onlarla polisə getməsini istəyiblər. Razılıq əldə olunub ki, günün ikinci yarısı Elgiz və atası bir yerdə polisə getsinlər. Lakin razılığa baxmayaraq bir neçə saat sonra onun atası Əlövsət Sadıqlının özünü Bakının Sabunçu rayon 12 saylı polis bölməsinə aparıblar. Onu səhərə qədər polisdə saxlayıb  fevralın 19-da saat 11:00-12:00 arası sərbəst buraxıblar. Bu müddət ərzində onunla oğlu Tural Sadıqlının “dövlətçiliyə zidd” fəaliyyəti ilə bağlı suallar veriblər. Ə.Sadıqlının bildirdiyinə görə polis bölməsində aparılan söhbətlərdə T. Sadıqlının yazılarını, Avropada keçirilən aksiyalardakı fotolarını göstərərək bunu dövlətə qarşı çıxmaq kimi dəyərləndiriblər.

Fevral ayının 20- də Tural Sadıqlının Ağdamda yaşayan əmisi Zahir Sadıqovin evinə polislər gələrək onu Ağdam rayon polis şöbəsinə aparıblar. Onu  polis şöbəsində səhər saatlarından saat 16:00-ya qədər saxlayıb Tural Sadıqlının fəaliyyəti ilə bağlı danışıqlar aparıb ona qardaşı oğluna təsir göstərməyə məcbur ediblər və sonra sərbəst buraxıblar.

23 fevral 2018- ci il tarixdə isə işlədiyi yerdən mülki geyimli şəxslər tərəfindən Tural Sadıqlının qardaşı Elgiz Sadıqlı oğurlanaraq naməlum istiqamətə aparılıb (https://www.amerikaninsesi.org/a/hebs/4268785.html). Ailə üzvləri tərəfindən dəfələrlə DİN- nin 102 xidmətinə, Sabunçu Polis İdarəsi, məhkəməyə müraciət edilsə də ondan xəbər tutmaq mümkün olmayıb. Yalnız 4 gün sonra məlum olub ki, Elgiz Sadıqov inzibatı həbs cəzası verilib və o, Binəqədi Müvəqqəti Saxlama Təcridxanasındadır. Bakı Apelliyasiya məhkəməsində məlum olub ki, həbs edilən gün Elgiz Sadıqova məcburi qaydada zor tətbiq edərək narkotika qatılmış çay içirdib ekspertizaya aprıblar ki, onun narkotika istifadəçisi olmasına dair lazımi rəy alısnlar. Məlum olub ki, məhkəmə qərarından sonra da Elgiz Sadıqlı Binəqədi Müvəqqəti Saxlama Təcridxanasına göndərilməli olduğu halda qeyri- qanuni olaraq 4 gün Sabunçu polis idarəsində saxlanılıb ağır işgəncələrə məruz qalıb. Dəfələrlə onun bədəninə elektrik cərəyanı buraxılıb və bildiriblər ki, siz (Sadıqlı ailəsi- red.) vətən xainlərisiniz. Vətən xainlərini biz belə edirik. Elgiz Sadıqovun məhkəmədə bildirdiyinə görə onun səhəti ağırdır, daxili orqanlarında güclü ağrılar var. Müayinə və müalicəyə ehtiyacı var.

Emin Milli. Meydan TV- nin təsisçisi və redaktoru Emin Milliyə təzyiq vasitəsi ilə onun qaynı Nazim Ağabəyov 2015- ci ilin iyul ayının 27- də saxta narkotika ittihamı ilə şərlənərək həbs olunub. O, informasiya texnologiyası üzrə mütəxəssisdir. Emin Milli baş verənlərin onun və Meydan TV-nin susdurulması üçün edildiyini bildirib. Qeyd edib ki, hətta onu, eləcə də bütün ailə üzvlərini öldürsələr belə o dayanmayacaq (http://arqument.az/az/emin-millinin-qayn-hebs-olundu/).

Ağır Cinayətlər Məhkəməsində hakim Əfqan Hacıyevin sədrliyi ilə keçirilən prosesdə təqsirləndirilən şəxsi vəkil Adil İsmayılov müdafiə edib. O, çıxışında Nazim Ağabəyovun heç zaman narkotik maddədən istifadə etmədiyini bildirib və onun barəsində bəraət hökmünün çıxarılmasını istəyib.

 

Nazim Ağabəyov məhkəmədə bildirib k, heç zaman cinayətkar olmayıb: “20 ilin mütəxəssisiyəm. Evimdə xəstə uşağım var. Heç bir zaman narkotik maddələrin dövriyyəsi ilə məşğul olmamışam. Nə siqaret, nə də spirtli içli istifadəçisi deyiləm. Məni tutmağınızın səbəbi Emin Millidirsə onunla əlaqəm yoxdur, heç zaman müxalifətçi olmamışam. Hər zaman dövlətimi dəstəkləmişəm. Vergimi vermişəm. Bəraət çıxarılmasını istəyirəm”. Dövlət ittihamçısı məhkəmədən Nazim İbrahimovun 7 il müddətinə azadlıqdan məhrum edilməsini istəsə də hakimlər kollegiyasının qərarı Cinayət Məcəlləsinin 234.4.3 – cü( külli miqdarda narkotk) maddəsi 234.1 (narkotik vasitə) maddəsi ilə dəyişdirilib. 70-ci maddə ( şərti cəza ) tədbiq edilərək 2 il müddətinə şərti olaraq cəza verilib. O, məhkəmə zalından azadlığa buraxılıb.

 

Qeyd edək ki, narkotik maddələrin satışında ittiham edilən N.Ağabəyov rəssam Mais Ağabəyovun oğlu, “Meydan” TV-nin direktoru Emin Millinin qaynıdır. O, Bakı Şəhər Baş Polis İdarəsinin əməkdaşları tərəfindən saxlanılıb. Rəsmi məlumata görə, onun üzərindən 6 qram heroin aşkarlanıb.

Emin Milli bildirib ki, onun həyat yoldaşının ailəsi təhdid altındadır. Onun özü də ölümlə təhdid olunub. O bildirib ki, bütün baş verənlər onu və rəhbərlik etdiyi Meydan TV- ni susdurmaq üçündür.

 

Günel Mövlud. Meydan TV-nin redaktoru, yazar Günel Mövludun qardaşı Vəkil İmanov Biləsuvar rayon Məhkəməsinin qərarı ilə 1 il müddətinə azadlıqdan məhrum edilib. Xatırladaq ki, Günel Mövludun qardaşları 2015- ci il oktyabrın 15-də narkotik maddələrin qanunsuz dövriyyəsində ittiham olunaraq həbs ediliblər. Oktyabrın 13-də Vəkil İmanov Biləsuvarda, qardaşı Raci İmanov isə Sumqayıt şəhərində tutulub. Hər ikisi narkotik maddə ittihamı ilə saxlanılıblar. Günel Mövlud qardaşlarının həbsini özünün Meydan TV-dəki fəaliyyəti ilə əlaqələndirir.

Jurnalistin atası Vəzir İmanov bildirib ki, Günel Mövluda görə ona işdən çıxması üçün də təzyiqlər edilib: “Cəbrayıl rayon diaqnostik kabinetinin laborantı idim. Təzyiq etdilər, işə icra hakimiyyəti və Kənd təsərrüfatı nazirliyi də qarışdı. Mən də ərizə yazdım ki, səhhətimlə bağlı istefa edirəm. Heç bilmirəm qızım nə edib ki, bu təzyiqlər var”.

Həbslərin valideynlərinin səhətinə çox pis təsir etdiyini deyən jurnalist “öz işinə” davam edəcəyini də əlavə edib; “İstəyirlər ki, “Meydan TV” ilə əməkdaşlıq edən olmasın. Qohumlar vasitəsilə təzyiq edirlər. Mən “Meydan”- dan, Emindən, “Meydan”- la əməkdaşlıq edən insanlardan imtina etməyəcəm, uzaqlaşmayacam. Başqa cür yaşamağı sadəcə bacarmıram”.

Son illər Meydan TV ilə əməkdaşlıq edən bir neçə jurnalist Baş Prokurorluğun Ağır Cinayətlərə dair İstintaq İdarəsinə, DİN Baş Mütəşəkkil Cinayətkarlıqla Mübarizə İdarəsinə çağırılaraq dindiriliblər.

Meydan TV-nin rəhbəri Emin Millinin qohumları dövlət başçısı İlham Əliyevə müraciət edərək, ondan “imtina etdiklərini” bildiriblər. Emin Milli bu halı qohumlarına təzyiq edilməsi ilə əlaqələndirib.

 

Elşad Abdullayev. Azərbaycan Beynəlxalq Universitetinin sabiq rektoru, Fransada mühacir həyatı yaşayan Elşad Abdullayev “mandat alveri” və qardaşı Mahir Abdullayevin oğurlanması cinayəti ilə bağlı bir sıra məmurların ifşası ilə nəticələnən gizli çəkdiyi videoları ictimailəşdirdikdən sonra onun yaxınlarına və ailə üzvlərinə qarşı açıq təzyiqlər başlayıb. Onun qardaşı oğlu, Qarabağ döyüşlərinin iştirakçısı Mübariz Abdullayev 10 il müddətə azadlıqdan məhrum edilib. Bir sıra hüquq- müdafiə təşkilatları onu girovluqda olan siyasi məhbus elan edib. Sabiq rektorun bəzi qohumları, onun Azərbaycandakı qanuni nümayəndəsi Azad Mursaliyev və digərlərinin isə ölkədən çıxışı qadağan edilib. Özünün bildirdiyinə görə digər qardaşı, beynəlxalq hüquq üzrə elmlər namizədi Eldəniz Abdullayevi Ramiz Mehdiyevə məxsus “Qurd qapısı” restoranında zəhərləyiblər və nəticədə əmək qabiliyyətini itirib.

Elşad Abdullayev bildirir ki, qardaşı Mahir Abdullayevin oğurlanması cinayəti ilə bağlı yazıları və tələbləri təkrarlandıqca hakimiyyətə yaxın mətbuat orqanlarında onun və ailə üzvlərinin ünvanına mütəmadi olaraq böhtanlar və təhqir dolu yazılar dərc olunur; “Təsisçisi və redaktoru olduğum Avropaninsesi.com saytının Azərbaycana girişi bloklanıb. Vaxtilə rəhbəri olduğum Azərbaycan Beynəlxalq Universitetinin məni müdafiə edən məzun və müəllimləri davamlı şəkildə təzyiqlərə məruz qalırlar”.                                                           

Orduxan Teymurxan. 18 fevral 2017- ci ildə Almaniyanın Köln şəhərində “Qarabağa və siyasi məhbuslara azadlıq” tələbi ilə keçirilən aksiyada Hollandiyada yaşayan azərbaycanlı bloger Orduxan Teymurxanın tənqidi çıxışından dərhal sonra onun Bakıda yaşayan bütün qohum- əqrəbası kütləvi şəkildə Suraxanı rayon Polis İdarəsinə aparılıb. Hətta qızdırma içində olan 2 yaşlı körpə Selcan da “rəislə söhbət” adıyla polisə aparılıb və İdarədə saxlanılıb. 18 fevralda bloggerin 12 nəfər qohumu axşamdan səhərə qədər Polis İdarəsində saxlanılıb. Onlara yatacaq, su- şörək belə verilməyib. Onlar bu şəxslər olub:

  1. Dadaşov Xanlar
    2. Bəbirsoy Şakir
    3. Əliyeva Zəhra
    4. Əliyev Möhübbət
    5. Əliyev Elnar
    6. Zeynalova Rübabə
    7. Zeynalov Səbuhi
    8. Əliyeva Südabə
    9. Ağayeva Sədaqət
    10. Nəzərli Xumar
    11. Nəzərli Selcan
    12. Ağayev İlqar

19 fevralda isə qadınlar sərbəst buraxılıb, qalanlar polisdə saxlanılıb. Onlardan Orduxan Teymurxanın tənqidi çıxışlarını dayandırması tələb olunub. Daha sonra isə bloggerin qardaşı Şakir Bəbirsoy olmaqla digərləri sərbəst buraxlsa da, onun 2 qohumu- böyük qardaşı Xanlar Dadaşov və bacısı oğlu Səbuhi Zeynalov saxlanılıb. Polisə müqavimətdə ittiham olunaraq onların hər birinə məhkəmə tərəfindən 30 sutka inzibati həbs cəzası verilib. Hadisədən 2 gün sonra Xanlar Dadaşov işdən azad olunub.

Bu hadisələrdən 1 il sonra- 17 fevral 2018- ci ildə Orduxan Teymurxanın Bakıda yaşayan bacılarının evinə polislər gələrək onların övladlarını axtarıblar və onları həbs ediblər. Bloggerin iki bacısı oğluna Səbuhi Zeynalov və Tural Əliyevə Suraxanı Məhkəməsinin qərarı ilə hər birinə 30 sutka inzibati həbs cəzası verilib. Hər iki şəxs İnzibati Xətalar Məcəlləsinin 535.1-ci maddəsi ilə (Polisin qanuni tələblərinə qəsdən tabe olmamaq) günahlandırılıblar. Onların məhkəmə qarşısına Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsi tərəfindən tərtib olunmuş protokol əsasında çıxarıldığı bildirilir.

Bloggerin böyük bacısının oğlu Elnar Əliyevdən isə uzun müddət xəbər çıxmayıb. Polis harada saxladığı haqda heç bir məlumat verməyib. 19 fevralda Orduxan Teymurxanın bacıları və ailə üzvləri mətbuat qarşısına çıxardılaraq ondan imtina etdiklərini bir daha bildiriblər (https://www.youtube.com/watch?v=dhPqWjV1IrQ).

Orduxan Teymurxanın bütün qardaşları- Bəbir Bəbirsoy, Xanlar Dadaşov və  Şakir Bəbirsoy iş yerlərini itirərək və ya işdən çıxarılaraq diksriminasiya, təzyiq və məcburiyyət qarşısında qalaraq ölkəni tərk ediblər.

Riyad Əliyev- Təfəkkür Universitetinin sabiq prorektoru Riyad Əliyev 2014- ci ilin avqust ayında ölkəni tərk edərək Almaniyaya mühacirət edib. Orda “Azereurotimestv” adlı sayt təsis edib. Həmin saytda Azərbaycan rəhbərliyi kəskin tənqid edilir. Məhz bu səbəbdən də saytın Azərbaycanda yayımlanması bloklanıb. O, eyni zamanda facebook hesabından ölkədəki hökm sürən qanunsuzluq, monorxiya qurluşunu və korrupsiya hallarını tənqid edir. Onun tənqidi çıxışlarından sonra qardaşı Renat Əliyevə və digər qohumlarına dəfələrlə xəbərdarlıq olunub ki, Riyad Əliyev dövlətçilik əleyhinə çıxışlar edir, dayandırsın. Lakin bu xəbərdarlıqlar nəticəsiz olduğundan onun qardaşı, karate üzrə ikiqat Avropa çempionu Renad Əliyev 5 il müddətə azadlıqdan məhrum edilib. 2017- ci il mayın 16-da Bakı Ağır Cinayətlər Məhkəməsində ona hökm oxunub. Renadın üzərindən narkotik tapıldığı iddia olunur. Amma Renad Əliyev özünü təqsirli bilmir. Deyir ki, o, qardaşının Azərbaycan hökuməti haqda tənqidi fikirlərinə görə sifarişlə şərlənərək həbs olunub. 2015-ci ilin yayında Bakıda keçirilən Birinci Avropa Oyunlarında karate üzrə hakim kimi iştirak etdiyini deyən Renad Əliyev necə həbs olunması haqda bunları söyləyib: «Dostlarımla kafedə oturmuşduq. Kafedən çıxanda 3 nəfər mənə yaxınlaşdı, maşına oturdub Bakı Şəhər Baş Polis İdarəsinə apardılar. Orada dedilər ki, guya üstümdən narkotik çıxdı. Əlbəttə ki, yalan idi». «Ölkəni təmsil edən idmançı niyə şərlənməli idi?» – hakimlər bu sualı verəndə R.Əliyev səbəb kimi xeyli vaxtdır Almaniyada yaşayan qardaşı Riyad Əliyevin müxalifyönlü mövqeyini, Azərbaycan hökumətinin ünvanına tənqidi fikirlərini göstərib: «Hətta həbsimdən əvvəl mənim özümə də demişdilər ki, «qardaşına çatdır, özünü yığışdırsın. Əks halda, sizin üçün yaxşı olmayacaq». Bunu deyənlərə cavab verdim ki, mənim qardaşımla heç bir əlaqəm yoxdur. Dediklərini də elədilər…». Riyad Əliyev bildirir ki, Azərbaycan hakimiyyəti onun barəsində beynəlxalq axtarış elan etmişdi. Amma ötən ilin yanvarında «Interpol» onun axtarışını dayandırıb.

Riyad Əliyev Azərbaycanda yaşayan bəzi qohumlarının ona görə işdən çıxarıldığını, bəzilərinin isə ondan imtinaya məcbur edildiyini bildirir.

 

Nadir Məmmədov. Naxçıvan Muxtar Respublikasında şəxsi sahibkarlıq fəaliyyətilə məşğul olmuş Nadir Məmmədov siyasi fəallığına görə dəfələrlə təzyiq və işgəncələrə məruz qalıb, həbsə məhkum olunub. Özünün bildirdiyinə görə 2010- cu ildə keçirilən parlament seçkilərindən bir neçə ay sonra 2011- ci ilin aprel ayında Naxçıvan MR-nin daxili işlər naziri Əhməd Əhmədov tərəfindən ağır işgəncəyə məruz qalıb; “Saxta ittihamla- yol hərəkəti qaydasının pozulması adıyla saxlanılaraq, əslində Muxtar respublikada baş verən özbaşınalığa və korrupsiya hallarına etiraz etdiyim üçün Ə.Əhmədovun göstərişilə və birbaşa iştirakıyla səhərə qədər onun iş otağında işgəncəyə məruz qalmışam. Belə ki  vəhşicəsinə döyülərək sol və sağ əllərimin dirnaqlarını kəlbətinlə çıxararaq bir daha polislərdən şikayət etməməyimi və Naxçıvanı tərk etməyimi tələb ediblər. Və məni buraxanda arxamca nəzarətçi salaraq ictimai fəal Elman Abbasovu döyməyimi tapşırdılar. Mən isə polisdən çıxan kimi gecə ikən Bakıya gəlib RATİ- də mətbuat konfransı keçirərək baş verənləri ictimaiyyətə açıqladım (www.youtube.com/watch?v=HqjzXkG7uYk), (https://www.youtube.com/watch?v=OqS04hL1NZI)”.

Özünün bildirdiyinə görə bundan sonra ona qarşı təzyiqlər Naxçıvanda mütəmadi xarakter aldı;  “Yaxın qohumum, Məmməd Qurbanovla birlikdə olan biznesimizi hədəfə aldılar. Bu işin arxasında Naxçıvanın siyasi rəhbərliyi, o cümlədən Vasib Talıbovun bacısının yoldaşı Fəxrəddin dayanırdı. 2012- ci ilin dekabrın 8- də Məmməd Qurbanovla birgə həbs olunduq və dəfələrlə hər ikmiz işgəncə aldıq. Sədərəkdə polis bölməsində qarlı havada bayırda üstümüzə su töküb bizi döyərək işgəncə veriblər. Ailəmizdən və müdafiəçilərimizdən gizli saxlayıblar. Bu hal 5 gün davam edib və bizə yemək, su belə verməyiblər. Cinayət Məcəlləsinin 221.3 və 315.2- ci maddələri ilə ittiham olunaraq 4 ay 19 gün həbsdə qaldıq.

Həbsdən sonra da müstəqil fəaliyyətimizi davam etdirərək Muxtar Respublikada və Azərbaycanda baş verən neqativ hallarla bağlı mətbuatı və hüquq müdafiə təşkilatlarını daim məlumatlandırmışam.

Artıq Bakıda da təhlükəsiz yaşamağın qeyri-mümkün olduğunu görüb 2016-cı ilin iyun ayında ölkəni tərk edib Çexiyaya, oradan da Almaniyaya gəldim. Dublin protokoluna görə Çexiyaya göndərildim. Mənə qarşı burada da təzyiqlər olduğundan yerli polis orqanlarına müraciət etdim. Belə ki, sosial media vasitəsilə Çexiyada yaşayan bir qrup azərbaycanlı məni təhdid etmiş, Vasif Talıbovun hüzuruna göndərəcəklərilə bağlı mənə hədə- qorxu gəlmişlər. Özünü Çexiya Miqrasiya Xidmətinin əməkdaşı kimi təqdim edən Zamiq Məmmədli məni deport etdirəcəyini bildirmişdir. Vasif Talıbov, Əhməd Əhmədov və eləcə də Azərbaycan hakimiyyətinin digər yüksək vəzifə nümayəndələri külli miqdarda yatırımlarla Çexiyada güclü biznesə sahibdirlər və onların Çexiya hökumətinin bəzi nümayəndələri ilə isti münasibətləri var. Bütün bunlardan sonra məcbur olub yenidən Almaniyaya qayıtdım.

Mühacirətdə olduğum müddətdə facebook hesabımdan vaxtilə mənə işgəncə vermiş Əhməd Əhmədovun və bu işgəncənin sifarişini verən Vasib Talıbovun ünvanına tənqidi fikirlər səsləndirdiyimə görə 2017-ci ilin oktyabrın əvvəllərində qardaşım Kərəm Məmmədov və anam Zülfinaz Məmmədova polisə çağırılmış və təhdid olunmuşlar. Onlardan tələb edilmişdir ki, Nadir Məmmədov geri qayıtsın, ölkənin və Muxtar Respublikanın vəzifəli şəxsləri haqqında tənqidi fikirlər yazdığına görə cavab versin. Buna görə də qardaşım K.Məmmədovdan ölkəni tərk etməmək haqqında yazılı iltizam alınmışdır. Digər qardaşım Qadir Məmmədov Azərbaycandan çıxaraq Türkiyəyə getməyə məcbur olmuşdur.

“Biz Almanıyaya gəldikdən 2 həftə sonra baldızımı, yəni Məmməd Qurbanovun qızını Aynürə Qurbanovanı “Banditizm”- ə aparıb 5 saat saxlayıb 12 yaşlı qızı ilə hədələyiblər ki, Məmməd və Nadir bura gəlməsə sizi daha pis şeylər gözləyir. Təzyiqlər hələ də davam edir. Səbəb indiki hakimiyyətlə barışmamağımızdır. Varımızı, yoxumuzu əlimizdən alıb bizi ölkəmizdən didərgin salanları tənqid etdiyimizə və Almaniyada siyasi məhbuslarla bağlı keçirilən aksiyalarda iştirak etdiyimizə görə Azərbaycanda olan qohumlarımızı incidirlər. Və hal- hazırda da bu təzyilər davam edir”.

Məmməd Qurbanov. Naxçıvanda bizneslə məsğul olub. Tənqidi fikirləri ilə seçilib və 2012- ci ildə  müxalifətin yaratdığı İctimai Palatanın üzvü olub. Bildirdiyinə görə dəfələrlə siyasi sifarişlə maddi, mənəvi və fiziki təzyiqlərə məruz qalıb. 08 dekabr 2012 ci il tarixində Naxçıvan MR Ali Məclisinin sədri Vasif Talibovun sifarisi ilə şərlənərək Azərbaycan Respublikasının CM-nin 221.2.1- ci və 315.1-ci maddələri ilə 4 il muddətinə həbs edilib. Hüquq- müdafiə təşkilatları onu siyasi məhbus kimi tanıyıb. Avropa səfir və nümayəndələri iş adamının həbsi İlə bağlı Naxçivana səfər etmişlər, onun azad olunması ilə bağlı Vasif Talıbovla danışıqlar aparmışlar. Məmməd Qurbanovla təcridxanada görüşmək istədiklərini bildirmişlər, lakin buna nail ola bilməmişlər. Məmməd Qurbanovun ailə üzvləri ilə görüş keçirmişlər (https://www.azadliq.info/27296.html). Sonradan Avropa nümayəndələrinin Azərbaycan dövlət başçısı ilə danışıqlarının nəticəsində 4 ay 19 gündən sonra, iş adamı Məmməd Qurbanovun 2 il şərti işlə, kürəkəni Nadir Məmmədovun isə 3 il sərti işlə azadliğa buraxılmasına nail olmuşlar. Məmməd Qurbanov bildirir ki, Vasif Talibovun bacısınin əri Fəxrəddin tərəfindən onun biznes işinə əl qoyulmuşdur; “40 min dollarliq Toyota Kamri minik maşınımı yandıraraq yararsiz hala salmışlar. Kulli miqdarda mallarımı əlimdən alıb mənimsəmişlər. Təzyiqlər ucbatından ailəmlə birlikdə Naxcıvanı tərk edərək Bakı şəhərinə daşındım, amma yenə də mənə və ailəmə qarşı təzyiqlər davam etdi. Məcbur olub ölkəni tərk etdim. Hal-hazırda Almaniyaya siyasi qaçqın kimi sıgınmışam. Mənim burdakı ictimai- siyasi fəaliyyətimə görə ailə üzvlərimə Azərbaycanda ciddi təzyiqlər var. Son zamanlar qızım Aynurə Qurbanova və həyat yoldaşım Fəridə Qurbanova dəfələrlə Bakı şəhərində “bandotdel”- lə aparılıb, təhdid və təzyiqlərə məruz qalıblar. Həmcinin Vasif Talıbovun Avropadakı muzdlu adamları tərəfindən Azvision.az saytına təxribatcı yazılar yazıb paylaşaraq özümün və kürəkənim Nadir Məmmədovun ailəsinin Avropada siyasi oturum almağımızı əngəlləmək ucun maneələr yaratmışlar (https://azvision.az/news/109947/news.html). Almaniyanın Berlin şəhərində, Köln şəhərində, Dusseldorf şəhərində Azərbaycan hakimiyyəti əleyhinə keçirilən aksiyalarda iştirak etdiyimə görə, diktator İlham Əliyevin portretini tərs tutduğuma, onu ayaqları altına atdığıma, portretini yandırıb, videosunu facebook səhifəmdə davamlı paylaşdığıma, hakimiyyət əleyhinə yazdığım kəskin statuslara görə ailəmə, yaxınlarıma dəfələrlə təzyiq edilib.

2017- ci il dekabr ayının ortalarında qızımı 2 gün “banditizm”- ə aparıb gətiriblər. Yenə eyni sözlərlə hədələmişlər. Qızımın iş yerinə tapşırıblar ki, atası tənqidi çıxışlarını dayandırmasa onu işdən çıxaracaq və atasını da ölkəyə gətirib həbs edəcəklər”.

06 fevral 2018- ci il tarixdə Berlində “Siyasi məhbuslara azadlıq” tələbi ilə keçirilən aksiyanın fəal iştirakçılarından olduğuma görə həyat yoldaşım Fəridə Qurbanova DİN Baş Mütəşəkil Cinayətkarlıqla Mübarizə İdarəsinə aparılıb (http://xebername.info/siyasi-muhacir-m%C9%99mm%C9%99d-qurbanovun-h%C9%99yat-yoldasi-polis%C9%99-aparildi/). Ondan idarədə soruşublar ki, ərin və kürəkənin niyə xaricdə İlham Əliyevin və Vasif Talıbovun əleyhinə danışırlar? Hədələyiblər ki, səni narkotika ilə həbs edərik. Fəridə Qurbanova 3 saat adı çəkilən İdarədə saxlandıqdan sonra sərbəst buraxılıb. Ona xəbərdarlıq ediblər ki, ərin və kürəkənin bir də İlham Əliyevin əleyhinə danışsa səni həbs edəcəyik”. Yeri gəlmişkən bildirim ki, haqqımda olan qanunsuz məhkəmə hökmü və dəyən maddi ziyanla bağlı Avropa Məhkəməsində kürəkənim Nadir Məmmədovla birgə 2 şikayətimiz var”.

Məlumat üçün bildirək ki, 06 fevralda Berlində keçirilən aksiyada “İlham Əliyev diktatordur”, “Siyasi məhbuslara azadlıq” və s. şüarlar səsələndirilib. Heydər Əliyevin plakatı aşırılıb. Məmməd Qurbanov həmin aksiyada iştirak edib şüarlar səsləndirib.

Əmirova Könül İmayət qızı. Azərbayacn Demokratiya və Rifah Hərəkatının üzvü olan Könül Əmirova 08 dekabr 2016- cı ildə Avropaya gəlib. Özünün bildirdiyinə görə “ölkədə olan haqsızlıqdan, idarələrdə süründürməçilikdən və hakimiyyətə qarşı olduğuma görə polislərlə daima problem yaşayırdım. 2017- ci il yanvar ayının 18- də Berlində Azərbaycan səfirliyinin qarşısında keçrilən aksiyadan bu günə qədər bütün aksiyalarda iştirak etməyə çalışmışam. Xalam Sevinc İsgəndərova ilə birlikdə Bonda BMT- nin binasının qarşısında “Diktaturaya son, siyasi məhbuslara azadlıq!” aksiya təşkil etmişdik. Bu aksiyalardan sonra qohumlarıma polis tərəfindən təzyiqlər başlanılıb. Mənim burada mitinqlərdə iştirak etməməyimi, hakimiyyət əleyhinə yazılar yazmamağımı istəyirlər. Məcburiyyət qarşısında qalıb bəzi qohumlarım işlərini itirməməyinə görə bir neçə dəfə mənə mesaj da göndərmişlər. Hətta ona görə nömrəmi dəyişmişəm.

Atam Əmirov Himayəti işlədiyi Hökməli qəsəbəsindəki orta məktəbdən 2017- ci ildə noyabr ayında işdən azad ediblər. Atam təxminən 15 ildən çox olar ki orada təlim- tərbiyə üzrə direktor müavini işləyirdi. Atama, qohumlarıma əvvəllər də təzyiqlər var idi. Amma indi avqust ayında mənim və xalam Sevinc İsgəndərova ilə birlikdə təşkil etdiyimiz aksiyadan sonra bu təzyiqlər daha güclənib. Nəhayət, atamı MTN- ə və polisə aparıblar. Orada mən mitinqdə “rədd olsun İlham Əliyev” dediyimi göstəriblər və deyiblər ki mən və xalam ermənilərə işləyirik. Ona görə də işdən azad ediblər. Atamın 69 yaşı var bu il 1 illik müqavilə bağlayıb onu həmin vəzifəsində saxlamışdılar. İndi məcbur edirlər ki könüllü ərizə yazsın. Yaşı ilə əlaqədar. Başa düşmürəm iki aya neçə artdı atamın yaşı? Deyiblər ki susmasam mənim və atamın yaşadıqları evlər sənədsizdir, onları geri alacayıq. Artıq 15 ildi mən, valideynlərim isə bəlkə də 20 il olar Bakıda Xirdalan şəhərində yaşayırlar. İndi evlərimizin sökülməsi ilə də hədələyiblər. Əmim qızı vəzifədə çalışır. Atamdan sonra onu çağırıb axrıncı xəbərdarlıq ediblər (bundan öncə də bir neçə dəfə xəbərdarlıq etmişdilər- K. Ə.) Mənim susmayacağım təqdirdə onu da işdən çıxardacaqlarını bildirirlər. Onlara bildirmişəm ki, gedin mənimlə qohumluqdan imtina edin.

Xalamla mənim təşkilatçı oldğumuz 29 avqust 2017- ci ildə Bonda BMT- nin qərargahı qarşısında keçirdiyimiz aksiyadan sonra dayım İsgəndərov Müşfiq İsmi oğlu işlədi yerdən çıxarılıb. O hazırda ölkəni tərk edə bilmir, polis onu axtarır və o gizlənir”.

Seyidli Camal Mirqafar oğlu- 07.02.1984- ci ildə Naxçıvan şəhərində anadan olub. Heç bir siyasi təşkilatın üzvü olmasa da ictimai- siyasi proseslərdə fəal iştirak etdiyini bildirir. Qeyd edir ki,  2016- cı ilin avqust ayında Almaniyaya mühacirət edib. Getmə səbəbini onunla izah edir ki, 2002- ci ildə YAP hakimiyyətinin şərinə qurban gedərək azadlıqdan məhrum edilərək həbs edilib. 2004- cü ildə azadlığa cıxdıqdan sonra YAP hakimiyyətinin təzyiqləri davam etmiş və dəfələrlə qeyri- qanuni şəkildə sutkalarla polis bölmələrində saxlanılaraq işgəncələrə məruz qalıb. Səbəbsə ölkədəki özbaşınalığa və korrupsiyaya, monopoliyaya qarşı çıxaraq xalqı bu rejimə qarşı qaldırmaqla məsğul olması olub. Camal Seyidlinin atası və qardaşı uzun müddətdir ki, AXCP üzvüdürlər. Bildirir ki, “ölkədən  çıxmağıma da səbəb ikinci dəfə uzun müddətli həbs olunacağımı bilib ölkəni tərk etdim. Almaniyada bir çox mitinqlərə qatılaraq ölkədəki siyasi məhbuslara azadlıq tələb etmişəm. Facebook səhifəmdə hakimiyyətə qarşı tənqidi yazılarıma görə ölkədə qardaşımı iki dəfə polis orqanlarına apararaq hədə- qorxu gəliblər məni susdurmaq üçün. Qardaşım Cəlal Seyidliyə təzyiqlər olunur.

Atam Seyidli Mirqafar Mirsəməd oğlu AXCP- nin üzvüdür. Atam demək olar ki ölkədə keçirilən bütün mitinqlərdə iştirak edib. Qardaşım Cəlal Seyidli Naxçıvanda yaşayır hal- hazırda, amma bir müddət Bakıda atamla bir yerdə qaldığı müddətdə bir çox mitinqlərdə iştirak edib. AXCP Naxçıvan şəhər şöbəsinin uzun müddətdir ki fəal üzvüdür, atam da həmçinin. Ölkədə bir çox mitinqlərdə iştirak etmişəm və ölkədə təhsil nazirliyinin önündə hicaba qarşı keçirilən mitinqdə polislər tərəfindən polis bölməsinə aparılaraq işgəncələrə məruz qalmışam.

Mənə görə ən çox qardaşım Cəlal Seyidli təzyiqlərə məruz qalıb. Onu 2017- ci ilin yay aylarında bir neçə dəfə polisə aparıb təzyq ediblər. Bildiriblər ki, “qardaşın sussun, tənqid edir hakimiyyəti”. Axırıcıncı dəfə 05 dekabr 2017- ci ildə DİN əməkdaşları gəlib işdən aparıblar onu nazir müavini Qaçay müəllimin yanına. 5- 6 saat polisdə saxlayıb sənədlərini alıblar. Bildiriblər ki, qardaşın sakit dursun, danışmasın. Facebook- da yazdığım tənqidi statuslara görə onu polisə aparıb incidiblər. Eyni zamanda doğma əmim oğlu Mir Səidə zəng edib hədə- qorxu gəliblər. Bakıda yaşayan atam Mirqafar Seyidliyə DİN- dən zəng edib hədə- qorxu gəliblər.  Qohumlarıma təhdid ediblər ki, məndən imtina etsinlər.

Camal Seyidlinin yeznəsi Aydın Məmmədovu 20 fevral 2018- ci ildə polisin qanuni tələblərinə tabe olmamaq ittihamı ilə həbs edərək ona 30 sutka inzibati həbs cəzası verilib. C. Seydili bildirib ki, yeznəsini onun siyasi fəalığına və facebook səhifəsində yazdığı tənqidi statuslara və Almaniyanın Bonn şəhərində BMT- nin binası önündə keçirdiyi aksiyaya görə həbs olunub.

Sevinc İsgəndərova. “Mədən Sənayesində Şəffaflığın Artırılması”  QHT Koalisiyasının üzvü,  Demokratik Təsisatlar və İnsan Hüqüqları ictimai birliyinin sədr müavini, Qadın Passiyentlərinin Hüquqlarını Müdafiəsi İctimai Birliyinin, eyni zamanda  “Demokratiya Naminə Vətəndaş Təşəbbüsləri” İctimai Birliyinin sədri Sevinc İsgəndərova Azərbaycandakı siyasi təzyiqlərlə əlaqdar olaraq Almaniyaya mühacirət edib. Bildirdiyinə görə ictimai fəaliyyətinə görə dəfələrlə hüquq- mühafizə oqranlarına çağrılıb və təzyiqlərə məruz qalıb; “Demokratik Təsisatlar və İnsan Hüquqları İctmai Birliyindəki fəaliyyətimə, eyni zamanda həbsdə olduğu müddətdə hüquq müdafiəçisi Leyla Yunusun müdafiəsinə qalxdığım üçün dəfələrlə hüquq mühafizə orqanlarına çağrılmışam. Hal- hazırda Azərbaycan Respublikasının Ədliyyə Nazirliyinə qarşı Avropa Məhkəməsində iki şikayətim var.  Qadın Passiyentlərinin Hüquqlarını Müdafiəsi İctimai Birliyi ilə bağlı kommunikasiyasi başlanıb.

“5- ci kalon”-un üzvləri siyahısına daxil edilmişəm. Baş Prokurorluğun Ağır Cinayətlərə Dair İşlər üzrə İstintaq İdarəsi tərəfindən yerli QHT-lər və beynəlxalq  donor təşkilatlara qarşı başlanan cinayət işilə əlaqədar olaraq Demokratik Təsisatlar və İnsan Hüqüqları ictimai birliyinə görə məni sorğu- sual ediblər. Belə ki, mən təşklatın  layihə rəhbəri olmuşam. Hal- hazirda saxta ittihamla mənə qarşı 20 min manatdan artıq vergi cəriməsi kəsilib və bu sənəddə öz əksini tapıb.

2014- cü ildə yerli QHT- lərə qarşı qaldırılan cinayət işi ilə əlaqədar təşkilatın bank hesabına həbs qoyuldu, layihələr dayandırıldı və təşkilatımıza qarşı absurd vergi cəriməsi tətbiq olundu. Mən məcbur olub 2016-ci ilin fevral ayında ölkəni tərk edərək Almaniyaya mühacirət elədim. Hal- hazırda burada keçirilən kütləvi aksiyalarda, müxtəlif toplantılarda iştirak edir və sosial şəbəklərədə fəaliyyətimi davam etdirirəm. Həyat yoldaşım Rafiq Həsən AXC-Musavat hakimiyyəti dövründə Yevlax rayon icra hakimyyətinin başçısı işləyib. Qarabag döyüşçüsüdür  və artıq 25 ildir işsizdir. 1-ci qrup əlildir.

Almaniyadakı fəaliyyətimə son qoymaq üçün qarşdaşıma bir neçə dəfə yerli hüquq mühafizə orqanları və yerli icra orqanları tərəfindən xəbərdarlıq edilib.  29 avqsut 2017-ci ildə Almaniyanin Bonn şəhərində BMT-nin ofisi qarşısında “siyasi məhsbulara azadlıq” adı atında keçirilən aksiyadan sonra yaxın qohumlarıma təzyiqlər başlayıb və hökümət qəzetləri mənim əleyhimə kampaniya aparır və mənə və ailə üzvlərimə qarşı aşaglaycı sözlər yazıblar. Qızım Zöhrə Həsən 18 yanvar 2017-ci ildə Berlin mitinqdə iştrak etdyinə görə “Səs” və “Kaspi” qəzetlərində “Azərbaycana dönük çıxanlar” adlı yazıda (http://kaspi.az/az/azerbaycana-dnuk-cixanlar/) onu vətən xaini adlandırmagdan belə çəkinməyiblər.

Qardaşım Müşfiq İsgəndərovu dəfələrlə polisi axtarıb, onu polisə gəlməsini tələb ediblər. Amma o polisə getməyib (http://www.contact.az/ext/news/2017/12/free/Social/az/67447.htm). O, Atıcılıq Mərkəzində işləyirdi. Bizim Almaniyada keçirdiyimiz aksiyadan sonra bizi əsas gətirərək 2017- ci ilin sentyabrında onu işdən azad etdilər. Digər qohumlarımıza qarşı təzyiqlər davam edir”.

Şirəliyev Elmir Hüseyn oğlu Bildirdiyinə görə ölkədə olduğu müddətdə aktiv Facebook istifadəçisi olub; “2013- cü ildə tənqidi fikirlərin və video süjetlərin yer aldığı “Azərbaycandakı Azərbaycan” səhifəsini yaradaraq ölkədə baş verən haqsızlıqları paylaşmışam. Buna görə 2014- cü ildə bir neçə dəfə polis bölməsinə çağırılıb xəbərdarlıq almışam. Sonra gördüm ki, ölkədə ictimai siyasi vəziyyət pisləşir və mənim Facebook səhifəm hökümətin xakerləri tərəfindən bağlanıldı. Həbs oluna biləcəyimi düşünərək 2014- cü ildə ölkəni tərk etdim. Avropaya gəldikdən sonra da fəaliyyətimi davam etdirdim. “Korrupsiyaya “yox” de” və yenidən yaratdığım “Azərbaycandakı Azərbaycan” səhifələrinin adminiyəm. 2017-ci il 28 oktyabr tarixində Almanıyanın Ludwigshafen şəhərində mən və qardaşım (Şirəliyev Emin Hüseyn oğlu) “Siyasi məhbuslara azadlıq və diktaturaya son!” aksiyasını təşkil etdik. Oktyabr ayının 26- da  atam Şirəliyev Hüseyn Şirməmməd oğlu Hacıqabul rayon polis şöbəsinə aparılıb və bizim bu aksiyanı keçirəcəyimiz təqdirdə qohumlarımıza basqılar olacağı barədə xəbərdarlıq ediblər. Biz 28 oktyabrda öz aksiyamızı keçirdik və bundan sonra atama basqılar artdı. Qohumlarımı işdən azad elədilər. Həyat yoldaşım Fizuli rayonundan məcburi köçkün olduqları üçün bizim Almaniyada keçirdiyimiz aksiyadan sonra onun ailə üzvlərinə (cəmi 9 nəfərə- red.) dövlət tərəfindən verilən yardım kəsilib. Həyat yoldaşımın hərbi sahədə işləyən 2 qohumu işdən çıxarılıb.

Hakimiyyətə yaxın mətbuat orqanlarında mənim və ailəm haqqımda böhtan xarakterli yazılar dərc olunmağa başlanıldı. Məsələn, “Olaylar” qəzeti və digər saytlarda (http://olaylar.az/news/siyaset/242603) “Kriminal ailənin demokrat uşaqları” adları yazı dərc olundu  (http://www.aznews.az/news/siyaset/154720.html). Bizim oktyabrın 28- də Almanıyada təşkil etdiyimiz aksiya bunları çox qıcıqlandırıb. Amma yəqin bunlara orta məktəbdə vətən sevgisi aşılamayıblar. Qarabağ qazisinin, Qarabağ köçkününün haqqını yeyən bir hakimiyyətdə vətən sevgisi necə olmalıdır? Atam qanunu pozub və cəzasını çəkib. Mənim atam qonşu ölkələrdən adam oğurlamayıb. Mənim atam heç kimin cibinə narkotik maddə ataraq həbs etməyib. Mənim atamın övladı avtomobil ilə heç kimin üzərindən keçməyib. Mənim atam müxalifətin mitinqinə gedən insanları həbs etməyib…”

Elmir Şirəliyev bildirir ki, Almaniyada Berlin və Bonn (06 fevral və 14 fevral 2018- ci il- red.) mitinqindən sonra 17 fevral 2018- ci ildə Hacıqabul rayon sakini bacım Şirəliyeva Aynurun həyat yoldaşı, ev təmiri işləri ilə məşğul olan yeznəm Abuzərov Abdulla Səməd oğlu Bakı şəhərində polislər tərəfindən saxlanılıb və Hacıqabul rayon polis bölməsinə gətirilərək 30 sutka inzibati həbs cəzası alıb.

Elmir Şirəliyev bildirir ki, onun qohumlarına xəbərdarlıq edirlər ki, biz Almaniyada fəaliyyətimizi dayandırmasaq daha ciddi tədbirlərə əl atacaqlar.

Xudiyev İntiqam Səmədağa oğlu. “Avropa Demokratik Dəyərlərinin Təbliği Mərkəzi” İctimai Birliyinin sədridir. Rəhbəri olduğu təşkilatın dövlət qeydiyyatına allınması ilə bağlı Avropa Məhkəməsinə müraciət olunub. Ölkədə olan təzyiqlər ucbatından 2016- cı ilin iyun ayında Almaniyaya mühacirət edib. Bildirdiyinə görə Almaniyada yaşadığı müddətdə ordakı bir çox təşəbbüslərə qoşulub, keçirilən aksiyaların çoxunda fəallıq göstərərək iştirak edib; “18 yanvar 2017-ci ildə Almaniyanın Berlin şəhərində Azərbaycan səfirliyinin qarşısında “siyasi məhbuslara azadlıq”, “biz qul deyilik”, “talana son” adlı aksiyada iştirak etmişəm. Aksiyadan sonra aksiyada iştirak edənlərin bir çoxunun Azərbaycanda olan qohumlarını polisə aparıb dindiriblər. Həmçinin mənim də atamı Şirvan şəhər Polis şöbəsinə çağırıb dindiriblər. Ona mənə görə hədə- qorxu gələrək “oğluna de, bu işlərdən əl çəksin. Yoxsa onu gətirib içəri atacayıq” deyiblər. Hətta orda atamın üzünə məni ölümlə hədələyiblər. Yanvar ayının 22-də mütəmadi olaraq zənglər edib telefonla atamı polis şöbəsinə çağırıblar. Artıq 31 yanvarda rəsmi bildirişlə Şivan şəhər polis şöbəsinə çağırıb yenə də ona hədə- qorxu gəliblər. Bildiriblər ki, oğulun Almaniyada dövlət əleyhinə çıxışlar və hərəkətlər edir. Ona de ki, bu işlərdən əl çəksin, yoxsa pis olacaq. Təsəvvür edin ki, aksiyada iştirak edənləri polisdə necə dindirirlər, nəinki “Heydər Əliyev”- in plakatını aşırdan olsun (Almaniyada azərbaycanlı mühacirlər aksiya keçirib Heydər Əliyevin böyük plakatını aşırırlar; https://www.youtube.com/watch?v=Gmc5e3qNooA&feature=youtu.be). Və nəticədə 03.02.2017-ci ildə atam ona qarşı olan mənəvi, psixoloji təzyiqlərə dözməyib infarkt keçirdərək dünyasını dəyişib. Məlumat üçün deyim ki, atam uzun müddət Şirvanda “Şirvan OİL” neft şirkətində fəhlə işləyib, bunu yazmaqda məqsədim odur ki, neft şirkətində işləyənlər hamısı siğorta olunub və sağlamlıqları daim yoxlanılır.. Yeni atamın heç bir xəstəliyi yox idi, tam sağlam idi…”

İntiqam Xudiyevin bildirdiyinə görə ona görə qardaşına qarşı da təzyiq ediblər. Polis onun iş yerinə gələrək onu axtarıb. Ertəsi gün qardaşı polisin təzyiqi nəticəsində Şirvanda işlədiyi kafedə işdən uzaqlaşdırılıb.

Abdullayev Pərviz Eyvaz oğlu. 20 aprel 1982- ci ildə Mingəçevir şəhərində anadan olub. Umid partiyasının üzvüdür. Almaniyaya 2016- ci ildə gəlib. Bildirir ki, “2016- ci ildə Ağdaş rayonunda təkrar kečirilən deputat seçkilərində üzvü olduğum Umid partiyasinin namizədi İqbal Ağazadənin təbliğat və təşkilat kampaniyasında fəal iştirak etmişəm. Və eləcə də seçki  prosesində müşahidəçi olmuşam. Fəallığıma görə məntəqədən polis bölməsinə aparılıb 2 gün saxlandıqdan sonra azad edilmişəm. Ondan əlavə 1999- cu ildə qəbul olduğum Mingəçevir Politexnik Universitetindən 2001- ci ildən Azərbaycan Milli İstiqlal partiyasının fəal üzvü olduğum üçün xaric olunmuşam. Almaniyada təşkil olunan mitinqlərin əksəriyyətinin iştirakçısı və Almaniyanın Duisburg şəhərində 2 sentyabr 2017- ci ildə mitinq təşkil etmişəm. Bu fəaliyyətimdən dolayi qardaşim Abdullayev Ramin Eyvaz oğlu 9 sentiyabr tarixində həbs edilərək 25 sutka inzbati cəza tətbiq edilmiş və bu haqda ona heç bir məhkəmə qərarı və sənədləri verilməmişdi. Buna etiraz eden atam Abdullayev Eyvaz Nəsrəddin oğlu da 2 sutka qeyri- qanuni polis bölməsində saxlanılmış, daha da irəli getməmək barədə xəbərdarlıq edilmişdir. Həmçinin mənim ölkəyə dönəcəyim təqdirdə başıma açılacaq oyunlardan danışaraq azad etmişlər. Yaxın və uzaq qohumlarım yaşadıqları ərazi polis bölmələrinə aparılaraq sorğu- sual olunub sonra azad ediliblər. 2017- ci ilin dekabrın 9- da Azərbaycan Naminə Demokratiya təşkilatının keçirdiyi toplantıda və siyasi məhbuslarla bağlı bizə yaxın ərazilərdə keçirilən mitinqlərdə (Essen, Bokum, Bonn və s.- red.) iştirak etmişik.

Oktyabr- noyabr aylarında ünvansız nömrələrdən 4- 5 dəfə zəng edərək məni hədələyiblər. Onlardan soruşanda danışan kimdir, cavab verirlər ki,  “səni otağımda dindirəndə biləcəksən biz kimik” deyiblər. Mən bu barədə yerli polisə məlumat vermişəm. Qardaşım Abdullayev Ramin izləmədədir. Hər dəfə atamı gördükdə “oğluna de qayıtmasın” deyərək psixi təsir edirler. Onların həyatı üçün narahatam”.

Türkel Azərtürk. AXCP Gənclər Komitəsinin İdarə heyətinin üzvü olan Türkel Azərtürk ictimai- siyasi fəaliyyətlə yanaşı bloggerlik fəaliyyəti ilə məşğul olub. 2016-cı ilin yanvar ayının 7-də Hollandiyaya mühacirət edib. Mühacirətə gedəndən sonra isə “Turan TV”- də çalışmağa başlayıb. Həftədə 3 dəfə Turan TV-də yayımlanan “Xəbər var” verilişinin müəllifi və aparıcısıdır. 2017- ci il noyabr ayında onun Azərbaycanda yaşayan bacanağı Emin Saqiyev narkotika ittihamı ilə (maddə 234.4.3) həbs olunub.

Türkel Azərtürk bildirir ki, “Emini məhz Turan TV-dəki fəaliyyətimə görə həbs ediblər. Çünki hamı bilir ki, mən həmin verilişlərdə hakimiyyəti tənqid edirəm. Ehtimal edirəm ki, Mehriban Əliyeva haqqında daha çox danışmağım xoşlarına gəlməyib. Çünki bu heç kimə sirr deyil ki, lap əvvəlindən Mehribanın adını çəkənləri bağışlamırlar.

Emin 2017- ci ilin noyabr ayının 14- də Bakıxanov qəsəbəsində avtomobilinə ehtiyyat hissəsi almağa gedərkən, orada DİN Baş Mütəşəkkil Cinayətkarlıqla Mübarizə İdarəsinin əməkdaşları tərəfindən həbs edilib. Ona qarşı CM-nin 234.4.3-cü maddəsi ilə ittiham irəli sürülüb və barəsində Nərimanov rayon məhkəməsinin qərarı ilə 4 aylıq həbs qəti- imkan tədbiri seçilib. Yeri gəlmişkən saxlandığı ilk günlərdə onun ailəsinə “oğlunuz Türkelə məlumat ötürür deyə həbs edilib” deyiblər. Sözü gedən idarənin əməkdaşları həm də yoldaşımın ailəsinə və yaxınlarına bizimlə danışmamağı tövsiyyə ediblər. Hətta sonda “nömrələriniz nəzarətdə qalacaq və kiminsə onlarla əlaqə saxladığı məlum olsa, o da Emin kimi cəzalandırılacaq” deyiblər. Hazırda yoldaşımın ailəsi və yaxınları ilə heç cür əlaqə saxlaya bilmirik.  Digər qohumlarıma da təzyiqlər davam edir”.

Siyasi Məhbusları Müdafiə Mərkəzi (SMMM) Emin Saqiyevi siyasi məhbus elan edib.

Fikrət Hüseynli. “Azadlıq” qəzetinin keçmiş əməkdaşı, ölkədə olduğu müddətdə tənqidi yazılarına görə təzyiqlərə məruz qalaraq, bir dəfə də 2006- cı ilin mart ayında maskalı şəxslər tərəfindən oğurlanaraq döyülən və ölümlə təhdid edilən jurnalist Fikrət Hüseynli təqiblər ucbatından 2008- ci ildə ölkəni tərk edərək Hollandiyaya gedib. 2017- ci ilin oktyabr ayında Ukraynanın Dövlət Sərhəd Xidməti tərəfindən saxlanılan jurnalist 18 günlüyə həbs edilib. Bu haqda qərarı Borispol Məhkəməsi verib. Jurnalisti vəkil Dmitri Mazurok (Ukrayna Helsinki İnsan Haqları Birliyi) müdafiə edir. Fikrət Hüseynli məhkəmə qərarı ilə azad olunsa da Ukrayndan kənara buraxılmır. O, Cinayət Məcəlləsinin 318 (sərhədi qanunsuz keçmə) və 178-ci (fırıldaqçılıq) maddələri ilə cinayət işi başlayıblar. Jurnalist həmin cinayət işi üzrə İnterpola verilən təqdimat əsasında saxlanıldığı bildirilir (http://www.faktxeber.com/News_h503899.html).

Verilən məlumata görə jurnalist Azərbaycan hökumətinin Ukrayna təhlükəsizlik qüvvələrinə verdiyi sorğu əsasında saxlanılıb. O, Niderland vətəndaşlığı alıb və hazırda xaricdən yayımlanan “Turan TV” müxalif telekanalı ilə əməkdaşlıq edir (https://www.amerikaninsesi.org/a/hebs/4070245.html).

Həbsi və üzləşdiyi olayla bağlı Fikrət Hüseynli bildirir ki, “Mənə özümün xəbərim olmadan Azərbaycanda məhkəmə qurub, mənim adımdan mənə vəkil tutub, mənə Azərbaycan pasportu düzəldib, sonra da İnterpola verib həbs etdiriblər Ukraynada. 5 aydır ki, burdayam və hələ də Ukraynadan çıxa bilmirəm, işimi itirmişəm buna görə, külli miqdarda zərərə düşmüşəm. Mənə görə qardaşımı (Elxan Hüseynov) mənim cinayət işimə salıb ona cinayət işi açıblar. Mövcud duruma görə, ata-anam stress keçirib və hazırda xəstədirlər.” Jurnalistlə bağlı vəziyyətə nə zaman aydınlıq gələcəyi və cinayət işinə xitam veriləcəyi aydın deyil.

Sahib Teymurov. Şəki qarışıq tipli Uşaq Evində böyüyən, “Uşaq Evlərinə Qayğı” İctimai Birliyinin sədri, hazırda Kanadada yaşayan siyasi mühacir Sahib Teymurov Şəki Uşaq Evinin işgəncələrdən danışan şagirdi ilə müsahibənin videosunu internetdə yaydığına görə həbsinin “hazırlanması” ilə əlaqədar ölkəni tərk etmək məcburiyyətində qaldığını bildirir. O, facebook- da yazdığı tənqidi yazılardan sonra 2017- ci ilin dekabr ayında 7- də heç bir səbəb olmadan qardaşı Tahir Teymurov həyat yoldaşı, qızı və oğlu ilə birlikdə Bərdə rayon polis şöbəsinə aparıldığını bildirir; “Onlara məndən imtina etmələri üçün təzyiq göstərilib. Bundan sonra qardaşımın uşaqları  facebook- da yazdığım statusların altında şərhlər yazaraq məni “vətən xaini” adlandırıb, mənə  nifrət etdiklərini bildiriblər. Qardaşım Tahir dekabrın 8-də yenidən polisə çağırılıb və dekabrın 21-nə qədər ondan xəbər olmayıb. Sonradan məlum olub ki, onun cibindən 0,5 qr heroin “tapılıb” və narkotik yaymaq ittihamı ilə həbs edilib”.

Dövlət tərəfindən təyin edilmiş vəkil Seymur Zeynalov bildirib ki, Tahir Teymurova qarşı Cinayət Məcəlləsinin 234.4.3 maddəsi ilə (Qanunsuz olaraq narkotik vasitələri, psixiotrop maddələri və ya onların prekursorlarını hazırlama, istehsal etmə, saxlama, daşıma, göndərmə və ya satma – külli miqdarda baş verdikdə) cinayət işi başlanıb. Onu Gəncə istintaq təcridxanasına köçürüblər.

Sahib Teymurovun sözlərinə görə, ona Facebook-da tənqidi statuslar yazmağa son qoyması üçün təzyiq göstərilir. Amma Sahib Teymurov fəaliyyətini dayandırmayacağını bildirib.

O, 2007-ci ildə cinsi istismara məruz qalan yetkinlik yaşına çatmamış QİÇS xəstəsi olan qızla bağlı məlumatı ictmailəşdirdikdən sonra həbs edilib.

Qeyd; Sahib Teymurov 7 fevral 2018- ci ildə məlumat yayaraq bildirib ki, 60 günlük fasilədən sonra onun qardaşı Tahir Teymurov həbsdən ev dustaqlığına buraxılıb, haqqında olan cinayət işinin istintaqı isə davam edir.

Abbasov Tural Fəxrəddin oğlu. 2012- ci ildən AXCP- nin üzvü olduğunu, Milli Şuranın 2013- cü ildə keçirdiyi mitinqlərdə yaxından iştirak etdiyini bildirir; “Hakimiyyətə qarşı keçirilən mitinqlərdə fəal olmuşam. 2013- cü ildə “Əsgər ölümünə son!” aksiyasında fəal iştirak etdiyimə görə  37- ci polis bölməsində 7 gün saxlanılmışam. Hal- hazırda Müsavat Partiyasının üzvüyəm və 2015- ci ilin iyul ayından Almaniyada siyasi mühacirəm. Düsseldorfdda 2017- cı ilin mart ayının 10- da “siyasi məhbuslara azadlıq” aksiyasının təşkilatçısı olmuşam. Bu aksiyadan sonra ailə üzvlərimə qarşı təzyiqlər başladı. Öncə atamı, anamı, əmilərimi və əmim uşaqlarını  işdən çıxartmaqla hədələdilər və yaxınlarım, əsasən də atam və anam məndən imtina etdi. Atamla 7 aydan artıqdır ki, danışmırıq. Azərbaycan hakimiyyəti qardaşımı həbs edib- Abbaslı Toğrul Fəxrədin oğlu. Hal-  hazırda o, həbsdədir. Nəsimi rayon polis idarəsindən valideyinlərimə zəng edən Nadir adlı şəxs əgər susmasam və hakimiyyətdən üzr istəməsəm qardaşımdan sonra bacımı da həbs edəcəklərini söyləyirlər. Hakimiyyətin mənə təzyiqləri sosial şəbəkələrdə, saytlarda dərc olunan yazılarım və Almanyada ki, ictimai- siyasi fəaliyyətimlə bağlıdır.

“Azadlıq” qəzetinin saytında və digər saytlarda dərc olunan tənqidi yazılarımdan sonra (https://storage.googleapis.com/qurium/azadliq.info/196864.html) qardaşım 2017- ci ilin dekabrın 2- də həbs olunub. Ona qarşı Cinayət Məcəlləsinin 177.1- ci və 221.1- ci maddələri ilə ittiham irəli sürülüb.

Bacım Şükürova Şəbinəmin həyat yoldaşı Şükürov Ramin Sarvan oğlu bacıma təzyiq edərək onu  boşamaqla hədələyib. Ramin Şükürov bir neçə dəfə ona fiziki təzyiq göstərərək başına zərbələr endirib və 2 uşaqla evdən qovub. Bu gün bacıma mənə görə təzyiqlər həm həyat yoldaşı Ramin tərəfindən və ata tərəfimizdən artıb. Şəbinəmi xalam Eynulayeva Sevinc və Sadıqova Aysu himayələrinə alıblar.

Yafəz Əkrəmoğlu. Azadlıq radiosunun keçmiş əməkdaşı Yafəz Əkrəmoğlu Azərbaycanda olarkən jurnalist fəaliyyəti ilə bağlı bir neçə dəfə təzyiqlərə məruz qalıb. O, ölkəni tərk etdikdən sonra isə ailəsini Naxçıvan aeropotunda girov saxlayıb onun təslim olmasını tələb ediblər (http://arqument.az/az/yafez-ekremolu-ailemi-naxvanda-girov-gtrmsdler/). İqdıra qədər gedən jurnalist və onun ailəsi beynəlxalq təşkilatların və Türkiyə polisinin məsələyə müdaxiləsindən sonra çətinliklə də olsa ölkədən çıxa bilib. Görünən o idi ki, hakimiyyət Avropada da fəaliyyətini və hakim ailənin biznes şəbəkəsi ilə bağlı araşdırma yazılarını davam etdirən Yafəz Əkrəmoğlunun cəzalandırılması üçün səylərini əsirgəməyib. Bu barədə jurnalist qeyd edir ki;

“2014-cü il dekabrın sonlarında, Azadlıq radiosunun Bakı bürosu bağlandıqdan sonra Praqa bürosuna dәvәt olunmuşam vә burada fәaliyyәtimi davam etdirmişәm. Praqa bürosunda işlәyәrkәn Naxçıvan MTN әmәkdaşları tәrәfindәn dәfәlәrlә hәdә zәnglәri almışam. 2015-ci il iyul ayının әvvәllәrindә Naxçıvandan Bakıya qayıdan yaxın qohumlarım Naxçıvan hava limanında saxlanılıb, daha sonra polisә aparılıblar. Onlar mәnim geri qayıtmağımı tәlәb edirdilәr. Bir sutka sonra qohumlarım azad edilib”.

Almaniyaya mühacirət etdikdən sonra orda da Azərbaycan hakimiyyəti ilə bağlı araşdırma yazılarını davam etdirən Yafəz Əkrəmoğluna qarşı AR Baş Prokurorluğu Cinayət Məcəlləsinin bir neçə maddəsi ilə (Maddə.318- qanunsuz sәrhәd keçmәk, Maddə. 308- vәzifә sәlahiyyәtlәrindәn sui istifadә), Maddə. 313- vәzifә saxtakarlığı, Maddə. 320- rәsmi sәnәdlәrin saxtalaşdırılması) cinayət işi açaraq bu barədə Almaniya hökümətinə rəsmi müraciət edib. Məqsəd onun ölkəyə ekstradisiya edib həbs etmək olub. Almaniya hüquq- mühafizə orqanları bu istəyi rədd etsələr də Azərbaycan hakimiyyəti jurnalistlə bağlı İnterpol vasitəsi ilə beynəlxalq axtarış elan edib.

Emil Cəfərli. 15 ildir ki, AXCP- nin üzvü olduğunu və hazırda 2015- ci ilin may ayından İsveçdə yaşadığını bildirən Emil Cəfərli mühacir kimi Stohkolumdakı ictimai- siyasi fəaliyyətinə görə ailə üzvlərinin və qohumlarının təzyiqlərə məruz qaldığını bildirir; “Ailə və qohumlarıma olan təziqlər, 20 avqust 2015- ci ildə Mingəçevir şəhər polis bölməsində döyülərək öldürülən Bəhruz Hacıyevə görə təşkil etdiyim (22.08.2015- ci il tarixdə) aksiyadan sonra başladı. 23 avqustda prezident İlham Əliyev  Mingəçevir olaylarının sakitləşməsini və səbəbinin araşdırılmasını öz üzərinə götürdü. Sabahı günü həyat yoldaşım Aynur Cəfərova, qaynanam Roza Əliyeva, dayım və oğlu Qoşqar Allahverdiyev, Qara Allahverdiyev, qardaşım Pərvin Cəfərov, bibim nəvəsi Nəsir Abdullayev, əmim qızı və həmçinin həyat yoldaşımın müdirəsi Natavan Cəfərovanı polis bölməsinə rəisin otağına aparıblar. Otaqda rəis Bədəlov Ələsgər, Mingəçevir şəhər icra hakimiyyətinin başçısı Niyazi Bayramov və Bakı şəhərindən gəlmiş, adını bilmədiyimiz bir general olub. Həmin genereal həyat yoldaşımdan soruşub ki, “sənin həyat yoldaşın Emil İlham Əliyevdən nə istəyir? İnsanları ona qarşı niyə qızışdırır? Sənin həyat yoldaşın vətən xainidir. Ona və uşaqlarına bu ölkədə yer yoxdur”. Orda yoldaşımın müdirinə dedilər ki, bunu işlədiyi uşaq baxçasında (o, 10 saylı Mingəçevir şəhər Körpələr evi- Uşaq baxçasında işləyirdi- red.) işdən xaric edin. Həmin görüşdən sonra sabahı günü onu işdən azad etdilər (https://afn.az/xeber/15002-mingechevirde-muxalifetchilerin-hebsi-bashladi.html). Daha sonra dəfələrlə özü və telefonu izlənilirdi. Hadisələrdən bir müddət sonra ölkəni tərk etməyə məcbur oldu və mənim yanıma bura- Stohkoluma gəldi. Həmin günü qardaşım Cəfərov Pərvinə 20 gün inzibati həbs, dayım oğlu Qara Allahverdiyevə 20 sutka həbs və bibim nəvəsi Abdullayev Nəsir Vaqif oğlu haqqında isə 3 aylıq həbs qəti imkan tədbiri seçildi. 2 il 5 aydır ki, artıq həbsdədir.

Mənim ictimai- siyasi fəaliyyətimə, konkret olaraq facebook- da Azərbaycanda və xüsusən Mingəçevirdə mövcud olan korrupsiya hallarına dair yazdığıma yazılara görə 19 iyul 2016- ci il  tarixdə qardaşım, qayınanam və bacanaqlarım Taleh Ərəbov və Rəşad Quliyevin evlərində polis bölməsi tərəfindən axtarış olub. Həmin gün Taleh ölkədə olmadığı üçün onu tapa bilməyiblər. Bacanağım Rəşad Quliyevə 7 gün inzibati həbs, qardaşım Pərvin Cəfərova isə 20 gün verdilər.

28.10.2016- ci ildə tarixdə facebook- da Mingəçevirdə polis şöbəsində döyülərək öldürülən Bəhruz Hacıyevlə bağlı keçirilən aksiyada çəkilmiş şəkili paylaşaraq “Mingəçevir gəncləri, bu hakimiyyətin zalımlığına qarşı bir daha nə zaman məharətinizi göstərəcəksiniz?” deyə  çağırış etdiyimə görə qardaşım Pərvin Cəfərova və yeznəm Farizə  10 gün inzibati həbs cəzası veriblər. Azərbaycanda yaşayan bütün qohumlarım təzyiqlər ucbatından hazırda mənimlə əlaqələrdən imtina ediblər”

Əhməd Cəlaloğlu. Musavat Avropa Koordinasiya Mərkəzinin (AKM) yaradıcılarından olan, hazırda Almaniyada yaşayan Əhməd Cəlaloğlu da təzyiqlərə məruz qaldığını bildirir; “Qısaca onu deyim ki, Azərbaycan hakimiyyəti məni neytirallaşdırmaq və Avropada söz sahibi olmamağım üçün mənə və əzizlərimə qarşı amansız hərəkətlər edir. Burdakı agentləri vasitəsi ilə hardasa yemək vasitəsi ilə zəhərlətdirib öldürəcəklərini deyirlər. Mənə salam verən ətrafımda olanlara deyirlər bunu. Yaxınlarıma bildirirlər ki, Əhməd Calaloglu cox riskli bir işi üzərinə götürüb. İnanın bir gördünüz ki, Əhməd Calaloglu yemək yediyi yerdə onu zəhərləyib öldürdülər. Azərbaycanda bir qardaşım var idi. Onun başına Allahın müsübətin acdılar. O da məcbur olub ölkəni tərk etdi. Təsəvvür edin Azərbaycanda əzizlərimin hammısına məndən imtina ərizəsi yazdırıblar. Hec biri ilə danışmıram. Mənə bir söz demirlər, gedib bacanagıma qədər çıxıblar. Yəni bunları mən cox vaxt qabartmıram ki, AKM tərkibi güclənir, insanlar qorxmasın, təşkilatdan üz döndərməsinlər. Amma vəziyyət belədir.

Məni qaldığım yerdə motosikletlə izləyiblər, məşq keçdiyim yerə qədər gəliblər. Zəhərləmək istəyiblər və s. Bütün bunlar məni mübarizəmdən döndərmək üçündür. Amma mübarizəmdən çəkilən deyiləm”.

Rəsul Mürsəlov. Keçmiş siyasi məhbus, qanunsuz həbs həyatı yaşamış Rəsul Mürsəlov həbsdən çıxdıqdan sonra 2014- cü ilin avqust ayında ölkəni tərk edib. Hazırda Hollandiyada yaşayır. Bildirdiyinə görə həbsdən çıxdıqdan sonra da ona qarşı təzyiqlər dayanmayıb; “2014 cü ildə barəmdə yenidən cinayət işi (CM- nin 274-cü və 178- ci maddələri ilə) başlanıldı.  Həmin vaxt ailəmə təzyiq edilir və mənim harda olmağım haqqında məlumat almaq istəyirdilər. Daha sonra 2015- ci ilin may ayında, Binəqədidə yanan binaya görə insanları etiraza səsləməyimlə davam etdi. Həmin vaxt ailəmin tamamı, o cümlədən anam, atam, bacım (onun 3 yaşlı övladı), yeznəm, xalam, əri və oğlu, digər xalam (Pasport qeydiyyat idarəsində işləyirdi), bibim, onun yeznəsi (Vergilər idarəsində işləyirdi) saxlanılaraq Zaqatala rayon polis şöbəsinə aparıldı və bundan sonra polis mənimlə skayp üzərindən danışığa keçərək etiraz çağırışımı dayandırmağı tələb etdilər. Polisin adı Şahid (Zaqatala Polis Şöbəsi Cinayət axtarış bölməsi rəisi) idi. Mən bu tələblərə etiraz etdim və bundan sona xaker hücumu ilə email və facebook profillərim oğurlandı. Ailəm 1 gün sonra sərbəst buraxıldı. Sentyabr ayında təkrar təzyiq dalğası başladı və ailəmin məndən imtina etməsi tələbi qoyuldu. Təzyiqlərdən sonra anam, atam, yeznəm, bacım (onun 3 yaşlı övladı), xalam (pasport qeydiyyat şöbəsində işləyən), bibimin yeznəsi (Vergilər idarəsi rəis müavini) və digər bibimin yeznəsi mənim kimi qohumdan imtina etdikləri barədə yazı yazmaqla imzaladılar (təbii polis şöbəsində və onların diktəsi ilə). Ancaq hadisələr bununlada bitmədi və 2016- cı ilin yanvar ayında Zaqatala şəhərində təşkil etdiyim “Bahalaşmaya son!” adlı aksiya səbəbindən ailəm təkrar girov götürüldü. Pasport qeydiyyat şöbəsində 25 il çalışmış xalam Sima Dəmirova işdən kənarlaşdırıldı. Ailəm 1 gün polisdə saxlanıldı və sərbəst buraxıldı. Eyni ilin may ayında atam bir dəfə polis tərəfindən saxlanıldı və məhkəmədən sonra sərbəst buraxıldı. Sözdə polisin qanuni əmrinə tabe olmamışdı. Halbuki polis atamı evdən aparmışdı. Daha sonra 2017- ci ilin may ayında Bakıda yaşayan dayımı və iki oğlunu Binəqədi rayonu 6- cı polis bölməsinə  apararaq mənimlə əlaqə saxlamalarını və fəaliyyətimi dayandırmağım tələbini irəli sürməyi əmr edirdilər. Qeyd edim ki, 6- cı polis bölməsinin rəisi ailəmi Zaqatalada həbs etdirən icara başçısı Mübariz Əhmədzadənin oğludur. Mən bütün tələblərdən imtina etdim və mübarizəmdə geri yol olmadığını bildirdim. Hazırda hakimiyyətin təzyiqi nəticəsində ailəmi 2014- cü ildən bu yana görmürəm və 2016- cı ildən bu yana isə telefon danışığı belə edə bilmirəm”.

Zakir Ağayev. 2016-cı ildə Azərbaycan hakimiyyətinin təqib və təzyiqlərindən qaçıb Almaniyaya sığındığını bildirən Zakir Ağayev mühacir olduğu ölkədə də hakimiyyət əleyhinə  keçirilәn bir neçə aksiyanın tәşkilatçısı və fəal iştirakçısı olub; “Elә bu sәbәbdәn әli mәnә çatmayan hakimiyyət ailә üzvlәrimi tәqib edir, onları hәdәlәyirlәr. Bu sәbәbdәn qardaşım Mahir Ağayev müxtәlif vaxtlarda 3 dәfә polisә aparılıb  pisixi, mәnәvi vә psixoliji tәzyiqlәrә mәruz qalıb. Bunları faktlarla sıralayıram:

  1. 18.02.2017-ci ildə Azərbaycandakı siyasi məhbuslara azadlıq tələbi ilə Almanyanın Köln şəhərindəki mitinq təşkilatçılarından biri olmuşam. Bu mitinqə 1 gün qalmış, 17.02.2017- ci ildә qardaşım Mahir Ağayev Cəlilabad polis bölməsinə aparılaraq ona qarşı fiziki zorakılıq tətbiq etmişlər. Onların tәlәbi belә olub ki, Zakir Ağayev bu mitinqdә nә özü, nә dә ki tәşkil etdiyi adamlar iştirak etmәmәlidir. Tәbii ki mәn vә tәrәfdadlarım bu aksiyada iştirak etdik vә mәn çıxış edәrәk hakimiyyәti sәrt tәnqid etdim (http://bastainfo.com/az/2017/02/17/almaniyadaki-musavatcinin-qardasi-cəlilabadda-polisə-aparildi/)

    2. 12.03.2017-ci ildə Azərbaycandakı siyasi məhbuslar və elәcә dә blogger Mehman Hüseynovun qanunsuz həbsinə etiraz olaraq Nürunberg şəhərinin mərkəzində aksiya təşkil keçirdik. Bu aksiyadan sonda qardaşım Mahir Ağayev yenidәn Cəlilabad rayon polis şöbəsinə çağırıldı vә yenidәn eyni sәpkili tәzyiqlә üzlәşdi. Hadisədən gec xəbər tutduğum üçün mәsәlәni ictimailəşdirә bilmәdim.

  2. 09.07.2017-ci ildə “heykəl məhbusları” Qiyas Ibrahimov və Bayram Məmmədova həbsxanada işgəncə verilməsinә etiraz olaraq Almaniyanın Marktredvitz şəhərində mәnim tәşkilatçılığımla aksya keçirildi. Bundan iki gün sonra 11.07.2017-ci ildə Cəlilabad rayon Göytəpə polis bölməsinin rəisi Əlifağa Kazımov qardaşım Mahir Ağayevi polis bölməsinə gətizdirərək mənim keçirdiyim aksiyanın facebook- dakı yayımını ona göstərib qardaşım Mahiri təhqir edərək demişdir: “Qardaşın Zakir Ağayev hökuməti və dövlət başçısına təhqir edir. O uzaqdadır, ona əlimiz çatmır, sənə isə çatır. Әgәr bir dә belә olacaqsa onun yerinә sәn hәbs olunacaqsan”. Hәmin gün polisdә qardaşıma fiziki və psixoloji təzyiqlәr olub. (http://arqument.az/az/almaniyada-daha-bir-aksiyadan-azerbaycana-ars-foto/)

    Bu hadisәdәn 1 ay sonra yaxın qohumum Müşfiq Şəkərlini mənim mövqeymi dəstəklədiyinə görə 15 sutka həbs etmişlər. Mən Müşfiq Şəkərlinin həbsindən 14 avqust 2017-ci ildə xəbər tutub Facebook- da canlı yayımda ictimaiyyətə xəbər vermişəm.

Hal- hazırda hakimiyyətin təzyiqləri nəticəsində Atam Ağayev Əliağa məni övladlıqdan çıxardıb. Bir tək qardaşım Mahirlə əlaqə saxlayıram. Mənə görə atama təzyiq edərək onu işdən çıxarmaqla hədələyiblər. Ona deyirlər ki, oğulun susmalıdır. Digər qohumlarıma da təzyiq edirlər.

Məhəmməd Mirzəli. Fransada mühacir həyatı yaşayan blogger Məhəmməd Mirzəlinin atası Fazil Mirzəliyev və yeznəsi Ağayev Elman Tofiq oğlu 2018- ci ilin yanvarın 13-də polisə aparılıb. Onların polisə aparılması səbəbi bloggerin facebook profilində hakimiyyəti sərt tənqid etməsi və “ac çaqqalların əlinə düşmüş xalqım” başlıqlı karikatura paylaşmağı olub.  Bu barədə Məhəmməd Mirzəli öz facebook hesabında yazıb (https://www.facebook.com/MahammadMirzali). Bildirib ki, yanvarın 13-də səhər saatlarında ona zəng edib, atasını həbs etdiklərini söyləyiblər: “Atamla polis maşınında aparılarkən danışdım. Dedi: “Sən nə isə paylaşmısan, ona görədir”. Deyir, əgər həmin paylaşımlar silinməsə, bacılarımı, anamı da tutub polisə aparacaqlar. Mən həmin paylaşımları silmək niyyətində deyiləm”.

M.Mirzəli deyir ki, bu, ilk deyil. Daha öncə də onun atasını, anasını polis saxlayıb: “2013 və 2016-cı illərdə də belə hal olmuşdu. O zaman da, indi də atamı mənə görə həbs ediblər. Hətta 2016-cı ildə atamla anamı birlikdə həbs etmişdilər. O vaxt “Heydəristan” adlı səhifəm var idi, ona görə edirdilər. İndi də “Made in Azerbaijan” adlı səhifəm var (https://www.facebook.com/Madeinazn/) və həmin səhifədəki paylaşımlara görə ailəmə təzyiq edilir”.

  1. Mirzəli bildirir ki, həmin səhifədə tanınmış blogger Orduxan Temirxan, siyasi mühacir Tural Sadıqlı və digərləri ilə canlı yayımlar edir, ölkədəki siyasi proseslərlə bağlı fikirlərini bölüşürlər:

“Bu da, görünür, hökumətin xoşuna gəlmir. Avropada təşkil olunan mitinqlərdə də iştirak edirəm, siyasi fəaliyyətimi davam etdirirəm. Bu yaxınlarda Parisdə Azərbaycan səfirliyinin önündə “Siyasi məhbuslara azadlıq”, “Ölkəmi talan etmə” şüarları ilə aksiya keçirilmişdi. Mən səhifəmdə bu mitinqin görüntülərini də paylaşdım. Ondan sonra atamı yaşadığı Göyçay rayonunda həbs etdilər. Atamı həbs edən İlqar Quliyev adlı şəxsə zəng etdim. Deyir: “Mənim həmin həbsdən xəbərim yoxdur”. Ancaq oğlunun profilinə girdim, gördüm ki, atasının maşınının fotosunu paylaşıb. Hansı ki atamı həmin nömrə nişanlı (99 EK 921) avtomobilə mindirib aparıblar. Atamı həbs edib, Bakıya aparıblar. Onun həbsi mənim siyasi, tənqidi çıxışlarımla bağlıdır. Atam narkoman, cinayətkar deyil. 64 yaşı var. Beyin iflici və böyrək çatışmazlığından əziyyət çəkir”.

Fevral ayının 13- də Məhəmməd Mirzəlinin yeznəsi (bacısının əri) Laçın rayonundan məcburi köçkün olan Elman Ağayev məhkəmə tərəfindən 30 sutka müddətinə həbs edilib. E.Ağayevi iş yerindən aparıblar və polisə tabe olmamaqda ittiham ediblər.

Mirzəlinin ailə üzvlərinə təzyiqlər davam edir. Ondan internetdə hökumət əleyhinə çıxışlara son qoymasını və xaricdə insan hüquqlarına dəstək aksiyalarında iştirak etməməsini tələb edirlər.

 

Həsənəliyev Əli. 1982- ci ildə Bakıda anadan olub, heç bir təşkilatın üzvü olmayıb. Bildirdiyinə görə 17 sentyabr 2016- cı ildə Milli Şuranın mitinqindən sonra 20 sentyabrda polis evlərinə gəlib və onu döyüblər; “Bölməyə aparmaq istəyiblər, lakin bir təhər onlardan qurtulmuşam və bir müddət gizləndikdən sonra noyabrın əvvəllərində Almaniyaya qaçmışam. Burada 18 fevral 2017-ci il ilk Köln şəhərində keçirilən mitinqdə iştirak etmişəm. Ondan sonra atamı polisə çağırıblar və mənə cinayət işi açıblar. Burada demək olar ki, bu günə kimi 15- ə yaxın hökümət əleyhinə mitinqlərdə iştirak etmişəm və çıxış etmişəm. Alman dilini bildiyim üçün hər mitingdə çıxış etmişəm almanca. Son 6 fevral Berlin mitinqində və 14 fevral Bonn mitinqində iştirak və çıxış etmişəm. “Diktatoru dünyaya tanıdaq” aksiyasına qoşularaq video bloq hazırlamışam (https://m.facebook.com/story.php?story_fbid=1554872564589690&id=931452196931733, https://m.facebook.com/story.php?story_fbid=1554867354590211&id=931452196931733). 21 fevral 2018- ci ildə saat 14 iradələrində Bakıdan xalam oğlu vatsap vasitəsilə yazıb ki qardaşım Elşad Həsənəliyevi polislər gəlib aparıblar. Polis onlardan tələb edib ki, mənə desin ki, videonu və “İlham Əliyev diktator” yazılarımı silim. Mənimlə əlaqəsi və münasibəti olmadığını bildirdikdən 4 gün sonra onu sərbəst buraxıblar”.

Kərimov Saday. AXCP- nin üzvü olduğunu və Azərbaycanda olduğu müddətdə partiyanın keçirdiyi bütün tədbirlərdə iştirak etdiyini bildirən Kərimov Saday müxtəlif təzyiqlərə məruz qaldığını qeyd edir; “26 fevral 2016- cı ildə Xocali faciəsi günü Xətai rayonu Xocali parkinda etdiyim çəklişləri polislər əlimdən aldı. 11 sentyabr 2016- cı il mitnqindən qabaq isə ev nömrəmizə zəng edib valideyinlərimə “oğlun bu yoldan çəkilsin” təhdidləri edirdilər. Dəfələrlə evimizə basqın olub. Evə döndükdən sonra mənzil qapsı açıq olurdu, maddi zinət əşyalarına əl vurmazdılar, ancaq sənət götürərdilər.

31 dekabr 2016- cı ildə Almaniyanın Mayen şəhərinə gəlmişik və hazırda burda yaşayırıq. Koblenz şəhərində 13.01.2018- ci ildə “Siyasi məhbuslara azadlıq”, “Korrupsiya və talana son” aksiyasına təşkilatçılıq etmişəm. 06 fevral 2018-ci ildə Berlin şəhərində Xarici İşlər Nazirliyi önündə “Diktatorlar Avropa üçün təhlükədir” aksiyasinda iştirak etmişəm. “Diktatoru tanıdaq” aksiyasının fəal iştirakçılarındanam. 06 mart 2018- ci il axşam saat 21:00 radələrində Suraxanı rayonu Hövsan qəsəbəsi, Elman Rüstəmov 15 ünvanda yaşayan bacımın yoldaşı Həsənov Şahlar 30-cu polis bölməsinə aparılıb (http://www.tendensiya.com/news/18165.html). Gecəni bölmədə qaldıqdan sonra sabahı günü Sabunçu rayon məhkəməsinə aparılıb. Orada polisə müqavimət adı ilə 10 gün həbs olunub. Bacımın yoldaşını mənim fəaliyyətimə görə polisə müqavimət adı ilə həbs ediblər.

Məndən Almaniyada siyasi fəaliyətimi dayandırmağımı istəyirlər. Amma mən Azərbaycan hakimiyyətinin saxtakarlığını, talançılığını, korrupsiya əməllərini ifşa etmək üçün gücüm çatan qədər mübarizə aparacam və bu fəaliyyətimdən geri dönməyəcəm”.

Əliyev İsmayıl Rəhim oğlu. Azərbaycan Dillər Universitetinin məzunu olan, Dalğa hərəkatının etiraz aksiyalarında və siyasi fleşmoblarında iştirak edən İsmayıl Əliyev Azərbaycan Liberal Gənclər Assosiyasiyasının üzvü olub. O, Fridrix Nauman Fondunun dəstəyi ilə keçirilən Azırbaycanda Liberalizm mövzusunda bir neçə treyninqlərə qatıldığını, sosial şəbəkələrdə tənqidi məqalələrlə çıxış etdiyini bildirir; “İlk məqaləm “Азербайджан сегодня” adlı jurnalda təxəllüslə tələbəlik illərimdə olub. Daha sonra bloq və sayt yaradaraq Azərbaycanda mövcud rejimi tənqid edərək ölkəmizin daha da gözəl olması üçün töhvə verməyə çalışmışam. Saytım Роскомнадзор tərəfindən bloklanıb (domeinim Rusiyaya aid olub). Bir çox tənqidi yazılarım olsa da, 2015-ci ildə İnsan Alveri ilə Mübarizə Baş İdarəsinin qanunsuzluqları haqqında yazdığım üçün onlar tərəfindən şərlənərək gecə vaxtı oraya aparılmış, mənəvi və fiziki zorakılığa məruz qalmış və saxta şahidlərin də mənə qarşı ərizələrini görərək uydurma ittihamlara imza atmağa məcbur olmuşam. Bu sənədi əllərində şantaj qismində saxlayaraq məni yazdığım məqalə və statusları təkzib və üzrxahlıq etməyim tələb olunub. Problemi ictimailəşdirməyə cəhd etmişəm və qanunsuzluğu polisə bildirsəm də ərizəm qəbul olunmayıb. Hədə-şantaj və qurama ittihamlara daha tab gətirə bilməyəcəyim qənaətinə gələrək Azərbaycanı 26 sentyabr 2016-cı ildən tərk etmişəm. 29 senytabr 2016-cı ildən Almaniya Federativ Respublikasına siyasi sığınacaq üçün müraciət etmişəm. Almaniyada keçirilən siyasi aksiyalara qoşulmuş və bütün müxalif düşüncəli insanlara dəstək verməyə, habelə sosial şəbəkələrdə paylaşım və rəylərlə ölkəmizdəki qanunsuzluqlara qarşı mübarizəmi davam etmişəm. Azərbaycan Naminə Demokratiyə təşkilatının üzvüyəm. 9 dekabr 2017-ci ildə AND- ın Duisburq şəhərində konfransının təşkilatçılarındanam (Azər Kərimovla birgə). 29 avqust 2017- ci ildə tarixdə Bonn şəhərində yerləşən BMT-nin binası qarşısında keçirilən aksiyada iştirak etdiyimə görə Azərbaycanda bir çox qohumlarıma təhdid və xəbərdarlıq olunub. Qaynım Qurbanov Natiq 20 noyabr 2017 tarixində həbs edilərək 30 gün müddətinə azadlıqdan mərhum edilib (http://turan.az/ext/news/2017/12/free/Social/az/67447.htm) və işdən azad edilib. Həbsdə ikən fiziki zorakalıqla və təhqirlərlə üzləşib. Goranboy rayonu polis şöbəsində bunların mənə xəbərdarlıq məqsədi ilə olduğu bildiriblər. Mənə qarşı qara piar və hədə-qorxu bu gün də davam etsə də ölkəmizin inkişafı naminə müxalif insanlarla birgə Vətənimizin gələcəyi üçün töhvə verməyə çalışıram”.

Kərimov Azər Ramiz oğlu. 19 aprel 1975- ci ildə Bakıda anadan olub. Azərbaycan Dövlət İqtisad Universitetini bitirib. Kiçik biznes fəaliyyəti ilə məşğul olub. Bildirdiyinə görə müxalifətin bir çox aksiyalarında iştirak edib; “Siyasi baxışlarıma görə işlərimdə və şəxsi həyatımda bir çox ciddi əngəllərlə üzləşirdim. Şəxsi təhlükəsizliyimi və övladlarımın gələcəyini düşünərək ölkəni tərk etmək qərarına gəldim. Hal- hazırda 30 sentyabr 2016-cı ildən bəri Almaniya Federativ Respublikasında yaşayıram. AND təşkilatının üzvüyəm. 29 avqust 2017 tarixdə Bonn şəhərində yerləşən BMT-nin binası qarşısında keçirilən aksiyada iştirak etdiyimə görə Azərbaycanda bir çox qohumlarım polis idarəsinə çağırılıb və gardaşım Kərimov Rafət 22 noyabr 2017- ci il tarixdə həbs edilərək 30 gün müddətinə azadlıqdan mərhum edilib (https://www.amerikaninsesi.org/a/aksiya/4156648.html). Məhs o hadisədən sonra bütün qohumlarım məndən üz döndərib və mənimlə olan bütün əlaqələri kəsiblər.

Əmim, əmim uşaqları polisə çağrılıb təhdid olunub. Qardaşım Bakıda Yasamal rayon polis idarəsi tərəfindən həbs edilib. Qohumlarımın çoxu Yasamal rayonunda yaşadığına qörə, həmin polis idarəsinə çağırılıb. Həm də Oğuz rayonunda bibim və əmim uşaqlarını mənim haqqımda sorğu sual ediblər. Mənimlə əlaqəni kəsdiklərinə görə təfərrüatlarını hələ də dəqiq bilmirəm. 09 dekabrda Duisburg şəhərində AND təşkilatının keçirdiyi konfransın təşkilatçılarından olmuşam. Almaniyanın Bonn, Köln, Essen, Münster və s. şəhərlərində Azərbaycanda insan hüquqlarının pozulmasına, korrupsiyaya, monopoliyaya etiraz, siyasi məhbuslara azadlıq tələbi ilə keçirilən aksiyada iştirak etmişəm”.

Vidadi İskəndərli. Prokurorluq orqanlarından istefa verərək tənqidi çıxışları ilə diqqət çəkən Vidadi İskəndərli 2010- cu ildə keçirilən parlament seçkilərində iştirak edib. Seçkilərdən sonra o həbs olunub. Yerli və beynəlxalq hüquq- müdafiə təşkilatları onu siyasi məhbus kimi tanıyıb. Həbsindən sonra hüquq müdafiəçisi kimi fəaliyyətini davam etdirib. 2015- ci ildə ölkəni tərk edib əvvəl Gürcüstana, daha sonra isə Almaniyaya mühacirət edib. Qonşu ölkədə də o, hakimiyyətin ünvanına sərt tənqidi çıxışlarını davam etdirib, mövcud iqtidarın əleyhinə keçirilən bir çox aksiyaların fəal iştirakçısı olub. 2017- ci ilin iyul ayında onun tənqidi çıxışlarından dolayı ailə üzvləri- anası, qardaşı və bacıları hüquq müdafiəçisindən imtina etməklə bağlı dövlət başçısına və ictimaiyyətə müraciət ediblər (http://www.gununsesi.info/vidadi-isg%C9%99nd%C9%99rlinin-ail%C9%99si-ondan-imtina-etdi/). 05 mart 2018- ci ildə bir qrup şəxs onun Göyçayda dəfn olunmuş atasının qəbrini təhqir edib. Təhqirin əks olunduğu video görüntülər youtube.com-da yerləşdirilib (https://www.amerikaninsesi.org/a/siyasi/4280909.html). Bu olaya sərt reaksiya verən Vidadi İskəndərlinin çıxışı hakimiyyətdə təmsil olunan bəzi şəxslərin və iqtidar yönlü mətbuatın kəskin hədəfinə tuş gəldi.

Qədirov Azər Adil oglu. 9 iyun 1983- cü ildə anadan olub. Ali təhsillidir 2013- cü ildə keçmiş MTN tərəfindən həbs olunub, ağır işgəncələrə məruz qaldığını və bu gün də həmin işgəncələrdən əziyyət çəkdiyini bildirir. Təzyiqlər ucbatından 2015- ci ildə ölkəni tərk edib; “Mən xeyli vaxtdır ki, Azərbaycanda mövcud olan diktator rejimi ilə mübarizə aparıram. Buna görə atam Adil Qədirovu  dəfələrlə Sabirabad rayon polis şöbəsinə aparıblar. Səbəb mənim sosial şəbəkələrdəki yazılarım və gündəlik apardığım mübarizə olub. Berlində 11 apreldə keçirdiyimiz aksiyadan sonra onu həbs ediblər. Bakıda atam- anam, həyat yoldaşım, iki övladım və bir bacım yaşayır. Həyat yoldaşımı polisə aparıb ona qarşı əxlaqsız hərəkətlər edəcəyi ilə ilə hədələyirlər. Mənə görə üzləşdikləri təzyiq ucbatından atam və anam ərizə yazıb məndən imtina ediblər.

13 mart 2018 – ci il və 11 Aprel 2018 -ci il tarixlərində Almaniyanın Berlin şəhərindəki mitinqlərdə  iştirak etdiyimə və mənim dəfələrlə keçirdiyim “Diktatoru tanıdaq” aksiyalarından sonra təzyiqlər həddindən çox artdı (https://m.facebook.com/story.php?story_fbid=158138874864205&id=146551906022902). Bacım və həyat yoldaşım Qədirova Könülü polisə aparacaqları ilə hədələyərək məcburən məndən Prezidentə imtina ərizələri yazdırıblar. Dövlət orqanlarında işləyən qohumlarımı çağıraraq onları işdən azad edərək cinayət məsuliyyətinə cəlb edəcəkləri ilə hədəliyirlər. Həyat yoldaşımın cib telefonuna zəng edərək mən hökümət əleyhinə danışmağa davam edəcəyim təqdirdə övladlarımdan birini oğurlayacaqları ilə hədələyiblər. Bu səbəbdən yoldaşım boşanma ərizəsi verib. 04.02.2018- ci il tarixində gecə saatlarında Bakı şəhəri Binəqədi rayonu, Ceyhun Hacibəyli küçəsində avtodayanacaqda naməlum şəxslər tərəfindən bacım Qədirova Pərvanəyə məxsus maşının şüşələri sındırılmış və avtomabilin üzərini çızaraq “XƏBƏRDARLIQ” sözü yazmışlar. 5-ci polis bölməsinə şikayət olsa da bunu edənlər  tapılmayıb. Qohumlarıma təzyiqlər bu gün də davam edir”.

Rafael Piriyev. 12 aprel 1986- cı ildə anadan olub. 2015- ci ilin avqust ayında Almanyaya mühacirət edib. Almanya hökümətindən sığınacaq alıb. Azərbaycan hakimiyyətinə qarşı tənqidi fikirlərinə və fəaliyyətinə görə özünün və qohumlarının təzyiqlərə məruz qaldığını bildirir; “2018- ci ilin fevral ayından etibarən Azərbaycanda hökm sürən haqsızlığa, qanunsuzluğa susa bilmədim və başladım Azərbaycan hökümətinə qarsı siyasi fikirlərimi sosial şəbəkələr vasitəsi ilə dediyimə görə mənə Azərbaycan höküməti tərəfindən təhqir mesajları gəldi. Hətta mənə ölüm təhdidləri də gəldi. Martın 9-u saat 16:30 radələrində evimin yaxınlığında mənə 5 nəfər yaxınlaşdı. Məni avtomobilə basaraq yaxınlıqdakı meşəyə apardılar. Orada yerdə sürüdülər, qarın nahiyəmə yumruqlar vurdular, təhqir etdilər. Dedilər video çəkib, deməlisən ki, “Azərbaycan xalqından, İlham Əliyevdən üzr istəyirəm”. Mən bunun mümkün olmayacağını söylədim. Bu zaman məni avtomobilə qoyub gətirdilər evimin yaxınlığına. Düşəndən sonra gördüm ki, evimin yanında artıq polis avtomobilləri var. Və onlara alman qonşularım xəbər veriblər. Mən polislərə hadisəni danışdım, izahat yazdım. Hal-hazırda axtarış aparırlar (http://bastainfo.com/az/2018/03/23/hakimiyy%C9%99t-bir-nec%C9%99-muhacirin-q%C9%99tlini-planlayir/).

Bu hadisədən öncə isə mənim iki dayim- Malik Süleymanov və Sadiq Süleymanovun hərəsinə 30 sutka inzibati həbs cəzası verdilər. Mənim doğma əmim Piriyev Tahir və başqa bir yaxınım Qafarov Ələkbər, hər iki şəxs Bərdə şəhər polis tərəfindən həbs olundu və 4 gun sonra həmən şəxslərdən mənə qarşı ağır söyüşlər, təhqirlər video yolu ilə youtube.com-a yerləşdirildi. Onlar vasitəsi ilə məni təhqir elədilər (https://www.youtube.com/watch?v=ptvFOsJurlI). Təbii ki bunu edənlər Azərbaycan hökümətidir. Və hal- hazırda təzyiqlər və təhqirlər davam etməkdədir. Bütün bunları isə Azərbaycan höküməti təşkil edir. Başıma nəsə gəlsə, bu, birbaşa İlham Əliyevin boynundadır.”

Qeyd: 28 aprel 2018-ci il tarixində Hesabatın Almaniyada təqdimatından sonra yerli mühacirlərin təklifi ilə sənədə aşağıdakı əlavələr edilib

Elnur Aydın oğlu Mirzəyev- 2012- cı ilin may ayından ökəni tərk edib. 4 il Belçikada yaşayıb və hazırda Almaniyada yaşayır, fəaliyyətini orda davam etdirir. E.Mirzəyevin son zamanlar Almaniyada mühacirlərin keçirdiyi  aksiyalarda aktiv iştirak edib. Eləcə də üzərində dikatator yazılan və İlham Əliyevin şəkili olan maykaları istehsal edib paylayıb və aksiya iştirakçılarına paylayaraq özü də geynib mitinqdə iştirak edib. Onun bu addımı hakimiyyət nümayəndələrini narahat edib və onun fəaliyyətindən çəkindirmək üçün qohumlarına təzyiq ediblər. Yaxın qohumları, qardaşları ölkəni tərk edib. Bundan başqa qaynı (həyat yoldaşının qardaşı) Ruslan Əliyevə nəməlum şəxslər tərəfindən ikinci dəfə zorakılığla məruz qalıb (birinci dəfə 14 fevral 2018- ci ildə olub- red.) və ağır bədən xəsarətləri almışdır. Bildirdiyinə  görə, polis onun qardaşlarını təqib edib, tapa bilmədiyi üçün qaynı Ruslan Əliyevin yaşadığı ünvana gedib: “Qardaşlarım mənim fəaliyyətimə görə ölkəni tərk etmək məcburiyyətində qalıb.  Qardaşlarım ölkədə olmadığı üçün qayınma qarşı təhdidlər var. 14 fevral 2018-ci il tarixində bir neçə mülki geyimli şəxs qaynım Ruslan Əliyevin yaşadığı Qobu qəsəbəsindəki evinə gedib, özlərini hüquq mühafizə orqanlarının əməkdaşları kimi təqdim ediblər və Ruslanı öz evində döyüblər, ona ağır bədən xəsarəti yetiriblər. Ruslana deyiblər ki, bacısının yoldaşı (Elnur Mirzəyev) Almaniyada fəaliyyətini dayandırmasa sənə qarşı daha ağır tədbirlər həyata keçirəcəyik. Sonda Təcili Tibbi Yardım gəlib və Ruslan ağır vəziyyətdə olduğu üçün onun xəstəxanaya yerləşdiriblər. Ruslanın döyülməsi və xəsarət almasını təsdiq edən rəsmi sənədlər də mövcudur. Baş verən hadisəyə hüquqi qiymət verilməsi üçün aidiyyatı dövlət qurumlarına müracitət olunsa da hər hansı nəticə olmamışdır.

Hüquq mühafizə orqanlarına müraciətdən sonra 14 aprel 2018-ci il tarixdə qaynım Ruslan Əliyev yenidən döyülüb, sağ tərəfdən omba sümüyü qırılıb. Hazırda sınığın birləşməsi üçün mil keçirdiblər və müalicə olunur. Bu dəfə də mənim siyasi fəaliyyətim əsas gətirilib”.

Elnur Mirzəyev Azərbaycan Respublikası Cinayət Məcəlləsinin 320.1-ci (Hüquq verən və ya vəzifədən azad edən vəsiqəni və ya digər rəsmi sənədi istifadə etmək məqsədi ilə saxtalaşdırma və qanunsuz hazırlama, yaxud ya bu cür sənədi satma, habelə eyni məqsədlə Azərbaycan Respublikasının saxta dövlət təltifini, ştampı, möhürü, blankı hazırlama və ya satma) və 302.2-ci (Əməliyyataxtarış fəaliyyəti haqqında qanunvericiliyi pozma) maddələri ilə axtarışa verilib

Bu barədə hökumətə yaxın Apa.az saytı məlumat verib;  http://m.apa.az/en/azerbaijani-news/social-news/investigation-into-criminal-cases-against-ex-azerbaijani-diplomat-and-person-who-emigrated-illegally-suspended.html

Eyni zamanda Almaniyada keçirilən etiraz aksiyalarında yaxından iştirak etdiyinə görə 2017- ci ilin mart ayında Bakı Şəhər Baş Polis İdarəsinin saytında axtarışa verilib:  http://www.bakupolice.gov.az/?preview/az/menu/41/

Mübariz Dadaşov: 2014- cü ilin may ayında Almaniyaya mühacirət edib. 2017 ci ildə Azərbaycan səfirliyi önündə Berlində keçirilən mitinqin fəal iştirakcısı olduğunu və buna görə  ailəsinə qarşı təzyiqlər olduğunu bildirir; “Bu mitinqdə Heydər Əliyevin büstünün əks olunduğu böyük rəsmi aşırdığımız üçün (https://www.youtube.com/watch?v=KZ0V6WeYYAg) mühacirlərin ailələrinə qarşı təzyiqlər olmuş, dostlarımızın qohumları həbs olunmuş, hətta təzyiqlərdən stress keçirən İntiqam Xudiyevin atası rəhmətə getmişdi. Bizim rayonda (Salyanda- red.) isə polis işçiləri əllərində siyahıyla mənim ailəm, qohumlarım haqqında təvəllüdləri daxil olmaqla işlədikləri müəssisələrdən tutmuş, hal-hazırda harada yaşamaları, harada oxuduqları daxil olmaqla geniş məlumat toplayıblar. Belə bir məlumatın tanışlar vasitəsi ilə ailəmə çatdırılması elə də çətin deyildi. Çünki atam keşmiş polis işçisi olub, anam 35 il  Torpaq reysteri şöbəsində mühəndis işləyib. Ailəmə qarşı olan hədələr getdikcə daha çox vüsət almağa başladı və intensivləşdi. Tez-tez ailəmdən məni soruşmağa, nə vaxt dönəcəyim, harada yaşadığım,  nə işlə məşğul olduğum barədə məlumat almağa cəhd göstərsələr də, təbii ki, ailəm onlara heç bir məlumat verməmişdir. Bu məlumat almaq istəyən şəxslər polis işçisi olan tanışlar və ya onlarla iş birliyində olan siravi şəxslər olmuşdur. Keçən zaman ərzində Almanyada keçirilən əksər aksiyalarda, tədbirlərdə iştirak etmişəm. 2018 ci il mart ayının 13-də Almanya Berlində yerləşən Azərbaycan səfirliyi önündə keçirilən mitinq zamanı dostların mənə yazması nəticəsində öyrəndim ki, ailəmə məndən imtina ərizəsi yazdırıblar (http://xalqxeber.az/cemiyyet/22127-prezdente-muracet-daha-bir-aile-muhacir-olan-oglundan-imtina-etdi-muracet.html). Hadisbelə olub;:

Atam Dadasov Mahur Salyan Su Melorasiya idarəsində komendant olaraq işləyirdi. 11 apreldə keçirilmiş saxta seçkilər öncəsində (2018- ci ilin mart ayının sonlarında- red.) Salyan rayon YAP sədri Cəbrayılov seçki təşviqat kampaniyası zamanı  atama müdirü vasitəsi ilə xəbər göndərmişdir ki, Mahurun oğlu Almanyada prezidenti alçatmaqla məşğuldur, Mahura deyin oğluna ağıl versin, yoxsa onu yəni atamı işdən çıxaracaqlar.  Bu dərs olmazsa daha ağır cəzalar veriləcək. Valideynlərim mənimlə əlaqə saxlayıb bunu bildirmişdilər, amma mən geri adım atmamışdım. Mart ayının 13 də səfirlik önündə baş tutan aksiyamıza gedərkən “Yola çıxırıq” deyə paylaşdığım fotodan sonra polislə birlikdə qəzetlərin birində işləyən yazarlardan biri atam və anamın yaşadığı mənzilə getmiş onlardan məndən imtina ərizəsi yazmalarını tələb etmiş və rəsimlərini çəkərək bu barədə yazı tirajlamışlar. Daha sonra atamın könüllü şəkildə işdən ərizə yazaraq çıxmasını tələb etmişlər. Mənim yolumdan dönmədiyimi görüb ailəmi, qohumlarımı həbs edəcəkləri ilə hədələmişlər. Dövlət dairələrində işləyən uzaq və ya yaxın bütün qohumlarımı işdən çıxaracaqlarını bildirmişər. Hətta valideynlərimə “sizə bir həftəlik istirahət pulunuzu verək, gedin Almanyaya oğlunuzu gətirin bura iş verək işləsin, sakit həyatını yaşasın” deyə təklifdə bulunmuşlar. Bildirmək istəyirəm ki, baş vermiş hadisələr mənim siyası fəaliyyətimlə əlaqəlidir və baş verənlər məni qorxutmur və heç bir maddiyyat və ya təhlükə məni yolumdan geri döndərə bilməz. Mənim ailəmim başına gələcək hər hansı bir hadisədən birbaşa hazırki rejim, Əliyev hakimiyyəti məsuldur”.

Elçin Məmməd oğlu Əskərov: 1988-ci il Sumqayıt şəhərində anadan olub. 2017-ci il aprel ayının 5- dən Almaniyada yaşayır. E.Əskərov Bakıda keçirilən etiraz mitinqlərinə qatıldığı üçün dəfələrlə polis tərəfindən təqib olunub və etiraz etməkdə davam edərsə, həbs olunacağı xəbərdarlığı alıb. 11 sentyabr 2016-ci ildə Milli Şuranın təşkil etdiyi mitinqə qatıldığı üçün işdən qovulub.

Elçin Əskərov Almaniyada Azərbaycanın siyasi hakimiyyətinə qarşı təşkil olunmuş mitinqlərə qatılır və sosial şəbəkələrdə hökumətin siyasətini tənqid edən statuslar paylaşır, şərhlər yazır. Azərbaycan polisi bu fəaliyyətin qarşısını almaq üçün onun Azərbaycanda yaşayan qohumlarına təzyiq göstərmə metodunu seçib. Elçin Əskərov bildirir ki, 14 fevral 2018-ci ildə Almaniyanın Bonn şəhərində BMT-nin binası qarşısında keçirilən mitinqə qatıldığı üçün ailəsinə polis təzyiqi başlayıb: “Qardaşım Həsən Əskərov Sumqayıt şəhərində yerləşən 4-cü polis bölməsinə aparılıb. Həsən Əskərov mənim siyasi mübarizəmə qarışmadığını desə də, bir neçə saat saxlanıldıqdan və izahatı alındıqdan sonra xəbərdarlıq edilərək sərbəst buraxılıb (http://www.xeber.info/index.php/tech/item/2439-itanyanlardan-taeklif)”. Elçin Əskərov polis tərəfindən valideynlərinin və qardaşının təhdid edildiyini də bildirib: “Polis sahə müvəkkili atamı və qardaşımı təhdid edir. Tez-tez mənim dövlətə qarşı çıxdığımı və vətən xaini olduğumu ailəmə bildirir və onları həyacan içində saxlayır. Valideynlərimlə əlaqə yaratmaq imkanım az olduğu üçün həqiqəti onlara izah edə bilmirəm. Nəticədə polisin yalan məlumatları ailəmi narahat edir”.

Zaur Məmmədov və Ayaz Məmmədov– Zaur və Ayaz Məmmədovlar qardaşdılar, müxalif fikirdə olublar. Dini baxışlarına görə təqib olunaraq 2014- cü ilin sentyabr ayının 19- da ölkəni tərk etmək məcburiyyətində qalıblar. Hazırda Almaniyada yaşayırlar və bu ölkədən siyasi fəallıqları ilə seçilirlər. Onlar  Azərbaycan hakimiyyətinə qarşı mitinq təşkil etdikdən sonra qohumlarına təzyiq olunduğunu bildirirlər: “Biz 2017- ci ilin oktyabrın 14- də Almaniyanın Essen şəhərində mitinq təşkil elədik (http://xebername.info/almaniyanin-essen-s%C9%99h%C9%99rind%C9%99-siyasi-m%C9%99hbuslara-azadliq-mitinqi-kecirilib/), (https://www.youtube.com/watch?v=Bx5-L8kCxJY&feature=youtu.be,). Hələ mitinqin hazırlıq görüntülərini sosial şəbəkələrdə yayanda bizə təzyiqlər başladı. Yaxın qohumumuz- xalamızın həyat yoldaşı Bakı şəhər prokurorlugunda çalışır. Bizə ilk basqını o etdi. Bizi müxtəlif yollarla təhdid etməyə başladı ki, mitinqlərə son qoyaq. Sonra atama qarşı təzyiqlər başladı və bizim siyasi mübarizəmizə görə atam Qaxda çalışdığı parket fabrikindən işdən qovuldu. Rayonda yaşayan qohumlarım polis tərəfindən təqib olunurlar. Polis dəfələrlə gəlib bizi soruşub, atamı və kürəkənimizi həbs edəcəyilə təhdid edir. Onlara xəbərdarlıq ediblər ki, mətbuata bu barədə məlumat versələr həbs olunacaqlar. Biz də ona görə atama və digər qohumlarıma qarşı polis zorakılığı barədə mətbuata məlumat verməmişik”.

Siyasi məhbuslara azadlıq, seçki saxtakarlığı və Azərbaycanda olan haqsızlıqlara qarşı mitinqlərimiz, etiraz aksiyalarımız Almaniyanın müxtəlif şəhərlərində davamlı olub (https://www.youtube.com/watch?v=JYmfpump7GE&feature=youtu.be). Bu istiqamətdə olan digər aksiyalarda da iştirak etmişik. Fəaliyyətimizlə bağlı hakmiyyətə yaxın olan rəsmi qəzetlərdə əleyhimizə yazılar dərc olunub. “Azərbaycanın uğurları kimləri narahat edir”, “Kriminal ailənin demokrat uşaqları” (http://yenitribuna.az/?p=268http://www.aznews.az/news/siyaset/154720.html, http://kaspi.az/az/kriminal-ailenin-demokrat-usaqlari/) və s. yazılarda bizim əleyhimizə həqiqətə uyğun olmayan şər- böhtanlar yazıblar. Bizi hakimiyyətə düşmən şəxslər, vətən xaini kimi təqdim ediblər. Bildirək ki hal- hazırda bizə görə qohumlarımıza təzyiqlər davam edir”.

Zöhrə Rafiq qızı Həsən– 2016-ci ilin fevral ayında ailəsi ilə birlikdə Azərbaycanı tərk edib. Zöhrənin anası Sevinc İsgəndərova siyasi fəal olduğu üçün təzyiqlərlə üzləşib. Atası Rafiq Həsən AXC-Müsavat hakimiyyəti dövründə (1992-1993) Yevlax rayonu İcra Hakimiyyətinin başçısı olub. Hakimiyyət dəyişdikdən sonar Rafiq Həsən müxalifət düşərgəsinə keçib. Bu ailəyə qarşı hökumətin ciddi basqıları həmişə müşahidə olunub.

Zöhrə Həsən hazırda Almaniyada yaşayır, hakimiyətin yanlış siyasətini əsaslı şəkildə tənqid edir. Buna görə də Azərbaycanda yaşadığı qohumları polis tərəfindən təqib olunurlar. Z.Həsən Almaniyada “Diktatoru tanıdaq” aksiyasına qoşulandan sonra qohumlarına qarşı basqılar daha da artıb.  Bu barədə Zöhrə xanım özü məlumat verib: “Mənim siyasi fəallığıma görə hakimiyyət qohumlarıma təzyiq göstərir. Onları polis bölmələrinə aparıb təhdid edirlər ki, mən Avropada diktator İlham Əliyevi və onun korrupsioner komandasını ifşa etməyim. Mən də hökumətin bu tələbinə məhəl qoymayacam. Sizə təqdim etdiyim videogörüntüdən (https://www.facebook.com/Azad.Soz.Az/videos/1710190032337468/) sonra Azərbaycan hakimiyyətinin qohumlarıma qarşı basqıları çoxalıb”.

Zöhrə Həsən Almaniyadakı siyasi fəaliyyətinə görə hakimiyyət tərəfindən təhqirlərə məruz qaldığını və vətən xaini elan edildiyini bildirir: “29 avqust 2017-ci ildə Almaniyanin Bonn şəhərində BMT-nin ofisi qarşısında “siyasi məhbuslara azadlıq” adı atında keçirilən aksiyadan sonra yaxın qohumlarıma təzyiqlər başlayıb və Bakıda yaşayan dayım Müşfiq İsgəndərov ilşədiyi Atıçılıq Mərkəzində mənim və anamın fəaliyyətinə görə 2017- ci ilin sentyabr ayında işdən çıxarılıb. Hökümət qəzetləri mənim əleyhimə kampaniya aparır və mənə qarşı aşagılaycı sözlər yazıblar. 18 yanvar 2017-ci ildə Berlin mitinqdə iştrak etdyimə görə “Səs” və “Kaspi” qəzetlərində “Azərbaycana dönük çıxanlar” adlı yazıda http://kaspi.az/az/azerbaycana-dnuk-cixanlar/ məni  vətən xaini adlandırmagdan belə çəkinməyiblər.”

Fuad Əkbərov– SOCAR- da Neft Daşlarında işləyib. Siyasi baxışlarına (bildirdiyinə görə REAL Hərəkatının tərəfdarı olub- red.) və iş yerində mövcud olan korrupsiya hallarına eiraz etdiyinə görə işdən çıxarılıb. İşə bərpa olunmaq üçün göstərdiyi cəhdlərə görə təzyiqlərə məruz qalıb və təzyiqlər ucbatından ölkəni tərk edərək 2015- ci ilin senyabr ayında Almaniyaya mühacirət edib. Almaniyada Azərbaycandakı vəziyyət və siyasi məhbuslara azadlıq tələbi ilə keçirilən aksiyalarda iştirak etdiyinə görə ailə üzvləri təzyiqlərə məruz qalıb; “2017- ci ilin yanvarın 18- də Berlində Azərbaycan səfirliyinin önündə keçirdiyimiz etiraz aksiyasından sonra 2017-ci ilin may ayının əvvəli Sumqayıt şəhər 3 saylı polis idarəsinin əməkdaşları adı ilə mülki geyimdə valideyinlərimin yaşadığı ünvana gəliblər (https://eu0.proxysite.com/process.php?d=T39xtQLLBgl9MGOp5Xhxafx5VRcWURW4MyF2i50Zj6rkBmEQOofd%2FYT31uigURCwxkLs5jq6IVgCfiefTzPZOxtReEQp6w3HFfGx3QwVv5PZgpORISH5cm3pNisAhGitlH%2BQWtzPFXzpyhXGwDudIQvHD%2FU1ilLZRfCz3HBSA56Sj71L7NlGeW%2BfZix4X99bd2GYbQXuLy6Go2WBmMFgOpR%2BmG4eQ9zNt1emJpql3Q%2FpqgOT2q2Z9cW2ahfc6Vfh0vsttJmOWOj%2FJ%2BJWLzuVxzoVayUg5XkUXuc%3D&b=1&f=norefer ). Valideyinlərim hər ikisi yataq xəstəsi olduğunu görüblər, elə evdə barəmdə izahat alıblar. Kimlərlə əlaqəm olduğunu öyrənmək istəyiblər. Rövşən adlı müstəntiq özünü təqdim edib. May ayının axırı isə birbaşa Sumqayıt Şəhər Polis İdarəsindən zəng ediblər “bir saat içində idarədə olmasanız sizi məcbur gətirəcəyik” deyilib. Valideyinlərim getməyiblər, iki saatdan sonra qapıya mülkü formada gəlib atamı və qardaşımı Sumqayıt Şəhər Polis İdarəsinə aparıblar, telefonları yoxlanılıb. Ayrı-ayrı otaqlarda barəmdə suallar verilib. Vəkil tutub bu məsələni araşdıranda haqqımda Cinayət Məcəlləsinin 178.3.2- ci maddəsi ilə qondarma cinayət işinin açıldığı üzə çıxdı. Ondan sonra yenə eyni ssenari ilə atamı və qardaşımı telefonla Sənan adlı müstəntiq idarəyə çağırıb. Atama Sənan adlı müstəntiq Polis İdarəsində deyib, “oğlun erməni lobbisinə qoşulub dövlətə qarşı təxribat edir”.

Sonra Sənan özü mənə watsapda yazdi və ailəmə olan təzyiqlə məndən sosial şəbəklərdə paylaşımları dayandırmağı tələb etdi. Ailəm mənimlə telefonla qorxa-qorxa danışır. Qardaşımı işdən çıxarmaqla hədələyiblər. Bütün bunlar məhz 18 yanvar 2017- ci il Berlin aksiyasından sonra baş verib. (https://www.youtube.com/watch?v=UqrAA4Fywq0&app=desktopEmil).
Hətta Xaçmaz Şəhər polis idarəsinin əməkdaşları keçmiş həyat yoldaşımın evinə gedərək ondan, onun qardaşından, anasından barəmdə izahat alıb, kimlərə qoşulduğumu soruşublar. İş o həddə çatıb ki, valideyinlərim “biz Fuaddan imtina ərizəsi yazmağa hazırıq”, deyiblər. Haqqımda ölkə mətbuatında şər- böhtan dolu yazılar dərc olunub (http://olaylar.az/news/siyaset/276710). Ailə üzvlərimə təzyiqlər davam edir”.

Elşən Adil oğlu Abdullayev– 2012-2014-cü illərdə „Unibank”- da işləyib. İşlədiyi bankda baş verən qanunsuzluqlarla bağlı etdiyi şikayətə görə polisə çağrılma, hədə -qorxulara və digər məruz qaldığı təzyiqlərə görə 2015- ci ildə ölkəni tərk edərək Almaniya Fedarativ Respublikasına mühacirət etdiyini bildirir. Dediyinə görə 2016-ci il dekabr ayının 3-də atası Abdullayev Adil Abdul oğlu və əmisi oğlu Abdullayev Şahin Tofiq oğlunu Sumqayıt şəhər Baş Polis idarəsinə çağrıblar, onun haqqında sorğu- sual etdikdən sonra atasını buraxıblar, ancaq əmisi oğlunu saxlayıblar: “Mənim ailəmə qarşı təziqlər mütəmadi olaraq 2017-ci il yanvar ayının 18-də Berlində Azərbaycan səfirliyi önündə “Siyasi məhbuslara azadlıq” akiyasindan sonra baş verib. (https://www.aztoday.az/news/18023.html, https://www.azadliq.info/196249.html, http://sosxeber.info/az%C9%99rbaycan-hokum%C9%99ti-berlin-aksiyasinin-istirakcilarini-arasdirir/)

2017-ci il mart ayının 31- də anam Abdullayeva Gülsənəm Abı qızı və böyük bacım Abdullayeva Təranə Adil qızı qanunsuz olaraq Baş Prokurorluğun Ağır Cinayətlər İdarəsinə çağrılıblar, hətta gəlmədikləri halda məcbur gətirəcəklərini deyib təhdid ediblər. Onlar  6 saat qanunsuz olaraq Baş Prokurorluğun Ağır Cinayətlər İdarəsində saxlanılıblar. Mənim Avropada erməni lobbisinə qoşulduğumu deyib anam və bacıma təzyiq göstəriblər. Bu dindirmələri aparan müstəntiq Fuad Əhlimanov olub. Bundan sonra aprel ayının 3-də digər bacılarım Abdullayeva Rəna Adil qızı və Abdullayeva Sevda Adil qızı Sumqayıt şəhər prokurorluğuna qanunsuz olaraq çağrılıblar və müstəntiq Emin Qəhrəmanov tərəfindən bir neçə saat saxlanılaraq dindiriliblər. Xəstə atam dəfələrlə polisə çağrılıb, ancaq xəstəliyi ilə bağlı gedə bilmədiyi üçün dəfələrlə evə polis gəlib, mənim fəaliyətimə görə atamdan izahat alıb. 06 fevral 2018- ci il tarixində Almaniya Fedarativ Respublikasinin Xarici İşlər Nazirliyi önündə təşkil edilən aksiyada fəallardan olmuşam.  Aksiyada çıxış edərək Almaniyanın kansleri Anjela Merkeldən və Avropa Birliyindən Azərbaycanda hazırkı Əliyev rejimi ilə əlaqələrin kəsilməsini və hazırda iqtidarı təmsil edənlərin Avropaya girişinə qadağa qoyulmasını tələb etmişəm (https://www.youtube.com/watch?v=lVV3HluoQa0&feature=youtu.be). Bu hadisədən sonra 15 fevral 2018- ci il tarixdə əmimin evinə basqın olunub, əmim oğlu – Abdullayev Şahin Tofiq oğlunu məcburi aparıb, mən fəaliyyətimi dayandırmasam, həbs olunacağını deyiblər. Mən fəaliyyətimi davam etdirdiyimə, 11 aprel 2018- ci ildə Berlində səfirlik önündə keçirdiyimiz aksiyadan və obyektiv tv- də çıxışımdan sonra (https://www.youtube.com/watch?v=8QKS_aO5E_s&feature=share&app=desktop) əmim oğlu işlədiyi Nəqliyyat nazirliyində işdən çıxarılıb. Bu basqılar nəticəsində bütün qohumlarım məndən üz döndərib və heç kim mənimlə əlaqə saxlamağa cəsarət etmir.

İsgəndər Səfərli– Azərbaycanda müxalifətin keçirdiyi etiraz aksiyaları və mitinqlərinin çoxunda  iştirak etdiyini, hər zaman çəkinmədən tanıdığı, siyasətə qoşulmayan insanları açıq şəkildə mübarizəyə səslədiyini və buna görə də DİN- nin Baş narkotiklərlə mübarizə idarəsinin əməkdaşları tərəfindən fiziki zorakalığa, maddi və mənəvi ziyana məruz qaldığını bildirir; “2015- ci ildə iş yerimdən (Əhmədli qəsəbəsi, metronun üstü, taksi fəaliyyəti) məni zorla polis idarəsinə  apararaq fiziki, mənəvi və psixoloji işgəncələr veriblər, daha sonra atamdan rüşvət alaraq məni yarı sərbəst buraxıblar. O gündən sonra həmin idarədən mənə həftədə ən azı 4- 5 dəfə gizli nömrə ilə zəng edib əməkdaşlığa cəlb etmək istəyirdilər. Həmin dönəm daim təqibdə idim və evdəkilərin razılığı ilə təqiblərdən, təzyiqlərdən və yenidən həbs olunmaq hədə- qorxularından yaxa qurtarmaq üçün 2016- cı il may ayında Almaniyaya məcburi mühacirət etmişəm. Avropada Camal Seyidli ilə birgə təşkilatçısı olduğum “Siyasi məhbusların ailə üzvülərinə təzyiqlərə son” adı altında BMT- nin binası önündə Orduxan Teymurxanın və Tural Sadıqlının dəstəyi ilə keçirdiyimiz uğurlu mitinqdən (https://www.facebook.com/Madeinazn/videos/963534337136456/) dərhal sonra ailə üzvülərimizə repressiya artdı və həmin o mitinqdən sonra mənim yeznəm Əliyev Nizami, Camal Seyidlinin yeznəsi, Orduxanın 3 bacısı, qardaşı oğlu və Tural bəyin qardaşı həbs olundu. Aksiyada İlham Əliyevin böyük şəkilin çıxartdırıb simvolik olaraq aşırmışdıq. Azərbaycanda mühacir ailə üzvlərinə qarşı həyata keçirilən kütləvi həbslərin arxasında məhz bu amil dayanırdı.

Bu aksiyadan sonra yeznələrim Əliyev Nizami və Hüseynov Elməddinə mənim burdakı fəaliyyətimə görə tam saxta ittihamlarla hər birinə 30 sutka həbs cəzasi verilib. Xətai Rayon Məhkəməsnin hakimi İbrahimli İbrahim Adil oğlunun 3(011)-1188/2017 saylı qərarı ilə 18 oktyabr 2017-ci il tarixdə kürəkənim Əliyev Nizami Elman oğlu Azərbaycan Respublikası İnzibati Xətalar Məcəlləsinin 206-cı maddəsi ilə (narkotika- red.) həbs edilib.

Mənə edilən təhdidə görə 60 yaşlı atam da həbs olunacaqdı. Əgər mənimlə Bakıdan atamın telefonundan əlaqə saxlayıb təhdidlərlə facebook- dakı statuslarımı Xətai rayonun baş polis idarəsinin əməliyyat üzrə rəis müavini sildirməsəydi. Rəis müavininin təkidi ilə mən səhər saat 10- dan dayanmadan axşamüstü saat 5- ə kimi facebook profilimdə rejimə qarşı paylaşdığım statusları və digər onlar üçün xoşa gəlməz yazıları sildikdən sonra atamı girovluqdan şərti azadlığa buraxdılar”.

Məmmədov Avtandil Əmiraslan oğlu Quba-Xaçmaz bölgəsində hüquq müdafiə işləri ilə məşğul olub. 2008-ci ildə İşgəncələrə Qarşı Azərbaycan komitəsinin, 2011- ci ildən  Helsinki Vətəndaş Assambleyasının Azərbaycan Milli Komitəsinin Quba-Xaçmaz rayonları üzrə İnsan hüquqlarının müşahidəsi və müdafiəsinin təşkili üzrə çalışıb. Həmin illərdə təziqlərə məruz qaldığını bildirir; “Daim polis nəzarətində olmuşam. 2012-ci ildə Qubada baş qaldıran üsyana görə polis tərəfindən təzyiq və təqiblərə məruz qalaraq, həmin hadisəyə görə məni süni yollarla həbs etmək istəyirdilər. Hansı ki, həmin aksiyada, Helsinki Vətəndaş Assambleyasının əməkdaşı olaraq müşahidə aparmışam. 2012-ci ildə mənə qarşı olan təziqlərlə bağlı məlumat Amnesty International təşkilatının hesabatına daxil edilib (https://www.azadliq.org/a/24994765.html). Lakin dəfələrlə məni və ailə üzvlərimlə təhdid, həbs edəcəkləri ilə hədələyiblər. Mənə dəfələrlə məcbur ediblər  ki, polislə və hüquq mühafizə orqanları ilə əməkdaşlıq edim.

Yenidən 2016-ci il tarixindən İşgəncələrə Qarşı Azərbaycan Komitəsinin sədr müavini olaraq çalışmışam. Komitə daxilində fikir ayrılıqı yarandığına əsasən 2017-ci il tarixində tutduğum vəzifədən istefa etmişəm.

Həbs olunacağın qaçılmaz olduğu üçün 17.04.2017-ci il tarixindən ölkəni tərk edərək Gürcüstanda mühacirətdə yaşayıram. Ölkəni tərk etdikdən sonra anam və digər ailə üzvlərimə, mənim ölkəyə qayıtmağı tələbinə dair təsir göstərmişdilər. Valideynimi dəfələrlə Quba RPŞ-nə çağrılmış, mən ölkəyə qayıtmadığım təqdirdə digər ailə üzvlərimi həbsi ilə hədələmişdilər. Digər qohumumu (adını təhlükəsizlik baxımından göstərə bilmirəm) Quba RPŞ-ində döyərək mənim haqqımda olan məlumatları verilməsini tələb etmişdilər. Davamlı fəaliyyətimə görə polis və icra orqanları tərəfindən ailə üzvlərimlə təhdid, edilmişəm.

Ölkəni tərk etdikdən sonra mühacirətdə olduğu ölkədə də fəaliyyətimi davam etdirmişəm, sosial şəbəkələrdə tənqidi fikirlərimi bildirmişəm. Tbilisidən Əfqan Muxtarlının oğurlanması ilə əlaqadar bir neçə aksiyada və toplantılarda iştirak etmişəm.

Mühacirətdəki fəaliyyətimə görə ailə üzvlərim, o cümlədən valideynim Quba RPŞ-nə çaqırılmış, mənim ölkəyə qayıtmaq tələbi irəli sürmüş və tənqidi yazı və paylaşımlarıma görə əlavə cinayət işi açılacağını bildirilmişdilər. Əks təğdirdə digər qohumlarımın narkotik adı altında həbs ediləcəyini diqqətə çatdırmışlar. Bununla kifayətlənməyərək müxtəlif şəxslər vasitəsi ilə müntəzəm olaraq  Facebook üzərindən tənqid yazı və paylaşımlarımı dayandırmasam qohumlarımın  taleyini fikirləşməyimə dair açıq təhdidlər edilmişdir.  Hazırda da qohumlarıma Azərbaycanda müxtəlif psixoloji yollarla təzyiq göstərilməsi davam edilir.

Qurbanov Rəşad- 28.11.1985- ci il tarixində Mingəçevir şəhərində anadan olub. Azərbaycan Beynəlxalq Universitetinin (ABU) Dövlət və bələdiyyə idarə etmə fakültəsini bitirib; “ABU- da  oxuduğum müddətdə universitetin nəzdində Tələbə hərəkatının fəal üzvü olmuşam. Universiteti bitirdikdən sonra yaradıcısı Mahir Abdullayev olduğu İnsan hüquqlarının müdafiə komitəsinə üzv oldum. 2012- ci il tarixində maskalı şəxslər tərəfindən evimə basqın olunaraq məni 3 gün Bakıda Milli Təhlükəsizlik Nazirliyinin həbsxanasında işgəncə verərək döydülər və məni ordan buraxmalarının səbəbi mənə Elşad Abdullayev haqqında böhtan atdıqları sənədə qol çəkdirmələri oldu. 2012- ci il tarixində NİDA gənclər hərakatının sıralarına qatıldım. Mənə hakimiyyət tərəfdən ən böyük işgəncə 15.03.2015- ci il tarixində olmuşdu. Həmin tarixdə yenə də evimə basqın olunaraq evdən oğurlanıb Mingəçevir şəhər polis  bölməsinə aparılaraq orada məni çox pis şəkildə döydülər. Mənə məcbur edirdilər ki, saxta sənədə qol çəkim məni həbsə göndərsinlər. Mən onların dediklərinə əməl etmədiyimə görə məni pis şəkildə döyüb sağ qılcamın yuxarı hissəsindən qırdılar. Həmin anda mən ağrıdan huşumu itirdim, gətirib məni xəstəxananın qabağına atıb getmişdilər. 4 ay Mingəçevir şəhər Mərkəzi xəstəxanasında yatdım, bu barədə bir nəfər polis gəlib izahat almadı ki, sənə nə olub? Həmçinin xəstəxanadan mənim nə üçün xəstəxanada yatdığım üçün sənəd belə vermədilər.

13.06.2016 cı il tarixində ailəmlə qərara gəldi ki ölkəni tərk edək. Hal- hazırda Fransada siyasi mühacirəm. Buradan sosial şəbəkələrdən açıq şəkildə danışdığım üçün, Əliyev rejminin 25 ildir xalqa necə zülm etdiyini, təbii sərvətlərini necə mənimsədiyini, harada özlərinə mülk əldə etdiklərini yazdığım üçün Azərbaycanda mənim yaxın qohumlarıma qarşı terror edirlər. Onları  saxta ittihamlarla həbsə atırlar. Martın 2-də Fransada Azərbaycan səfirliyinin qarşısında etiraz aksiyasında iştirak etdikdən sonra təzyiqlər başlayıb. 8.03.2018- ci il tarixində Şəki şəhəri polisi qaynım, həm də xalam oğlu Quliyev İlkini Şəki şəhər polis bölməsinə aparıblar və oradan mənə zəng etdiriblər ki, sosial şəbəkələrdən yazılarımı, çıxışlarımı silim. Mən razılaşmadığım üçün Quliyev İlkini saxta məhkəmə qurularaq 30 gün həbs veriblər, daha sonra 20.04.2018- ci il tarixində qardaşım Qurbanov Fuad Mingəçevir şəhər polisi tərəfindən aparılaraq orada işgəncə verilib, sonra saxta nakotika ittihamı ilə məhkəmə tərəfindən onun haqqında 3 aylıq həbs- qəti imkan tədbiri seçiblər (https://www.amerikaninsesi.org/a/hebs/4368797.html).

Mən burda Əliyev hakimiyyətinə demək istəyirəm ki, bu əməllərlə məni susdura bilməyəcəksiniz! Azərbaycan xalqı sonda sizin kim olduğunuzu biləcək və sizə lazımı cavabınızı verəcək” (https://www.azadliq.info/218759.html, https://www.azadliq.info/216930.html)

Vüqar Niftiyev- Azərbaycanda sahibkarlıq fəaliyyəti ilə məşğul olub. Bu sahədə üzləşdiyi təzyiqlər ucbatından həyatına təhlükə hiss edərək biznes fəaliyyətini dayandırıb ölkəni tərk etmək məcburiyyətində qaldığını bildirir; “2011- ci ildə Vergilər nazirliyində qeydiyyata alınan “İDEAL GROUP” MMC yaradaraq  orta sahibkarlıq fəaliyyəti ilə məşğul olmağa başladım. Bizneslə məşğul olduğum dövrlərdə monapolislər tərəfindən üzləşdiyim ağır təhdidlər qarşısında qalaraq 2013-cü ilin sentyabr ayında biznes fəaliyyətimi dayandırdım. Məni dəfələrlə Gömrük Komitəsinə çağırıb yuxarı ranqlı məmurlar tərəfindən hədə- qorxu gəlirdilər. Artıq təhlükənin ölçülərin bilib, 2014-cü ilin fevral ayında Almaniyaya mühacirət etməli oldum. Almaniyada olduğum müddətdə də siyasi fəaliyyətimi bu günə kimi davam etdirirəm. Eks- prezident Heydər Əliyevin doğum günü ilə bağlı olan 2016-ci ilin aprel ayında qondarma “10 may- Gül bayramı”- na qarşı sosial şəbəkədə event yaradaraq insanları saxta “Gül Bayramına yox”! deməyə səslədim (https://www.facebook.com/events/625539507600217/).

Dostların köməyi ilə bu bayram boykot olundu. 10 mayda Heydər Əliyevin heykəlinə “Qul bayramınız mübarəkdir” sözünü yazdığına görə gənc fəallar Qiyas İbrahimov və Bayram Məmmədov narkotika ittihamı ilə şərlənərək 10 il müddətə azadlıqdan məhrum edildilər. Həmin vaxtlarda Atam Əzizağa Niftiyev Cəlilabad rayon polis idarəsinin rəisi Namiq Camalov (indi rəis dəyişib) tərəfindən 3-dəfə, qardaşım Vüsal Niftiyev 1 dəfə polis şöbəsinə çağrılıb. Çağrılıb ciddi təhdid ediliblər və atama ciddi tapşırıq veriblər ki, oğlun Vüqara de ki, özünü yığışdırsın, orda sakit dursun. Ailədaxili səbəblərə görə mətbuata çıxmasına ailədə məsləhət olmayıb. Doğulduğum kənddə kənd sakinləri bilir ki, bütün ailəm polis nəzarəti altındadır. Ailə üzvülərimin telefon nömrələrinə qədər nəzarətə götürülüb. Hal – hazırda da AXCP (Azərbaycan Xalq Cəbhəsi Partiyasının) və Fransanın Strasburq şəhərində təsis olunmuş AND (Azərbaycan Naminə Demokratiya) təşkilatının üzvüyəm və fəaliyyətimi Turan tv-də davam etdirirəm. Siyasi məhbuslara azadlıq və digər mövzularda Almaniyada keçirilən mühacirlərin etiraz aksiyalarında yaxından iştirak etmişəm. Buna görə yerli mətbuatda da haqqımda şər- böhtan, qara- yaxma kampaniyaları da bir neçə qəzetdə yayımlanıb. “Yeni Müsavat” (http://musavat.com/news/eli-kerimlinin-separatcilarla-is-birliyi-azerbaycana-ne-ved-edir_485956.html), “Haqqınaz” və “Virtualorg” qəzetilərində yazılar dərc olunub (http://virtualaz.org/bugun/76685).

Məni Fətulla Gülənlə əlaqədə, separatçılıqda, vətənə xəyanətdə  və digər məsələlərdə absurd ittiham edirlər.

Yekun. Avropada yaşayan mühacirlərin özlərinə və yaxın qohumlarına qarşı həyata keçirilən təzyiqlərlə bağlı yuxarıda qeyd olunan nümunələr və keyslər yalnız ümumi təzyiqlərin bir hissəsini təşkil edir. Bu misalların sayını artırmaq və çoxaltmaq olar. Amma qeyd olunan nümunələr də ümumi mənzərəni özündə ehtifa edir. Azərbaycan hakimiyyəti nəinki ölkə daxilində, hətta ölkədən kənarda da onu tənqid edənləri sevmir və bağışlamır. Nə yolla olursa olsun onları cəzalandırmağa çalışır. Siyasi mühacirlərin yaxınlarına qarşı həyata keçirilən təzyiqlər də bu “cəzalandırma”- nın tərkib hissəsidir.

Nəticə. Aparılan araşdırmalar göstərir ki, müxtəlif səbəblər ucbatından (daha çox sosial- iqtisadi vəziyyət və siyasi səbəblər- red.) ölkəni tərk edərək Avropa ölkələrində yaşayan mühacirlər yaşadıqları ölkədə göstərdikləri fəallıqdan dolayı onların özləri və Azərbaycandakı qohumları müxtəlif təzyiqlərə məruz qalırlar. Xüsusən hakimiyyət əleyhinə aksiyalar təşkil edən və orda iştirak edən, sosial şəbəkələrdə tənqidi fikirlər paylaşan fəallar daha çox hədəfdə olurlar. Azərbaycan hakimiyyətinin əli birbaşa onlara çatmadığı üçün onları susdurmaq və mövqelərindən geri çəkmək üçün həmin şəxslərin Azərbaycandakı ailə üzvlərinə və qohumlarına qarşı təzyiqlər həyata keçirir. Onların qohumlarını işdən çıxarır, polisə çağırıb təzyiq göstərir, həbs edir. Bəzən isə onları Avropadakı qohumlarından imtinaya məcbur edir. Bütün bunlar isə yerli və beynəlxalq qanunlara, eləcə də milli- mənəvi dəyərlərə ziddir.

Təkliflər. Avropada yaşayan azərbaycanlı siyasi mühacirlərin ictimai- siyasi fəaliyyəti ilə əlaqədar onların ailə üzvlərinə, qohumlarına qarşı həyata keçirilən təzyiqlər qanunlara zidd olmaqla yanaşı insanlar, ailələr, cəmiyyət və hakimiyyət arasında gərginliyin böyüməsinə təkan verir. Mühacirlərə olan təzyiqlər onlarla hakimiyyət arasında qarşılıqlı ittihamlara və müzakirələrə yol açıb. Bu təzyiqlər yol verilməzdir və dayandırılmalıdır. Aidiyyatı qurumlar bu yanaşmalardan çəkinməlidir. Siyasi müzakirələrin iştirakçılarından hər biri şərəf və ləyəqətin alçaldılmasına imkan verməməlidir. Siyasi mühacirlərə təzyiqlərlə bağlı beynəlxalq təşkilatlar seyriçi mövqe tutmamalı, Azərbaycan hakimiyyətinə qarşı tələb və tövsiyyələrini artırmalıdırlar.

İstinad olunan mənbələr;

  1. Təzyiqlərə məruz qalan mühacirlər və onların qohumlarından alınan məlumatlar;
  2. Mətbuatın xülasəsi və KİV- də dərc olunan məlumatlar;
  3. Almaniya Federal Statistika İdarəsinin məlumatı;
  4. Diasporla İş üzrə Dövlət Komitəsi;
  5. Beynəlxalq təşkilatların (Amnesty İnternational, Fredoom House və s.) yaydığı sənədlər;
  6. Avropa İnsan Haqları məhkəməsinin internet saytı;
  7. AR Cinayət Məcəlləsi və digər qanunvericilik aktlarından çıxarışlar;
  8. Sosial şəbəkələrdə yer almış (facebook.com, youtube.com və s.) məlumatlar, video sujetlər və s.

 

Mart 2018- ci il, Bakı şəhəri

Qeyd. Hesabatdan istifadə edilərkən istinad zəruridir.

Əlaqə; email: o.gulaliyev@gmail.com, tel; (+994) 070 971 71 21