BMT Baş Assambleyası kibercinayətkarlıqla mübarizə üzrə qətnamə qəbul edib. Sənədin təşəbbüskarı qismində Rusiya çıxış edib.

Qətnamənin lehinə 79, əleyhinə 60 ölkə səs verib, 33-ü isə bitərəf qalıb.

Baş Assambleyanın iclası zamanı ABŞ nümayəndəsi Çerit Norman Şale qətnamənin əleyhinə çıxış edərək onun kibercinayətkarlıqla mübarizədə beynəlxalq əməkdaşlığı pozacağını bildirib.

Məlumata görə, Rusiya ilə birlikdə daha 47 dövlətin müəllifi olduğu qətnamə BMT Baş Assambleyası tərəfindən bütün regionları təmsil edən xüsusi hökumətlərarası ekspertlər komitəsinin yaradılmasını nəzərdə tutur. O, informasiya-kommunikasiya texnologiyalarından cinayətkar məqsədlər üçün istifadə ilə mübarizə haqqında beynəlxalq konvensiyanın hazırlanması ilə məşğul olacaq.

Nizam Nuriyev

https://www.azerbaycan24.com/bmt-kibercinayetkarliqla-mubarize-uzre-qetname-qebul-edib/?

 

 

Print Friendly, PDF & Email