Azərbaycan prezidenti İlham Əliyev Azərbaycan ordusunun Dağlıq Qarabağdakı erməni qüvvələri tərəfindən idarə olunan Şuşa üzərində nəzarəti ələ alındıgını bəyan etdi.
Əliyev, hərbi forma geyinərək xalqa etdiyi çıxışında, Azəri ordusunun 28 ildir erməni işgalçı qüvvələrinin əlində olan Şuşanı geri aldığını bildirdi.
Bu günün Azərbaycan tarixində mühüm bir gün olaraq qalacağını vurğulayan Əliyev, “Şuşa Azərbaycan tarixində xüsusi bir yer tutur. Şuşa təkcə Azərbaycanın deyil, bütün Qafqazın incisidir. 28 ildən sonra azanın səsi Şuşada eşidiləcək” …
Şuşa nədən önəmlidir ?
Erməni qüvvələri 8 may 1992-ci ildən bəri Şuşaya nəzarət edirdilər.
Qarabağ xanı Penahalı xan tərəfindən 1752-ci ildə qurulan Şuşa çoxlu tarixi abidələrə sahib olduğu və burada bir çox görkəmli elm və mədəniyyət xadimlərinin doğulduğu üçün təkcə şusalılar üçün deyil, həm də bütün azərbaycanlılar üçün vacib bir şəhərdir.
Şuşa Azərbaycan tarixinin və mədəniyyətinin simvollarından biri olan bir şəhər olmaqla yanaşı bölgədəki hakim coğrafi mövqeyinə görə və eyni zamanda Dağlıq Qarabağın ən böyük şəhəri Xankəndinə gedən yolda yerləşdiyinə görə strateji əhəmiyyətə malikdir.
Bu arada, Azərbaycan ordusunun 27 sentyabrda Dağlıq Qarabağda başlayan əməliyyatda 4 şəhər mərkəzini, 3 qəsəbəni, 220 kənd ətrafında və bəzi mühüm təpələri erməni qüvvələrindən geri aldığı açıqlamışdı.
Azərbaycan Müdafiə Nazirliyinin verdiyi açıqlamada toqquşmaların əsasən cəbhənin Ağdərə, Ağdam, Hocavend və Qubadlı tərəflərində davam etdiyi ifadə edildi.
Erməni qüvvələrinin son 24 saat ərzində cəbhənin bəzi yerlərində şəxsi heyətini və hərbi texnikasını itirərək geri çəkilməli olduğu bildirilən açıqlamada, Azərbaycan ordusunun 4 T-72 tankını, 2 D-20 silahını və Ermənistana məxsus bir neçə yük maşını ilə döyüş sursatını məhv etdiyi vurğuladı.
Açıqlamada, Ermənistan ordusunun dünən Terter, Berde, Ağdam, Ağcabedi və Qubadlı vilayətlərinə artilleriya atəşi etdiyi və mülki əhali arasında ölü və yaralıların olduğu qeyd edildi.
Bəyanatda əməliyyatların bütün cəbhə boyu davam etdiyi və vəziyyətin Azərbaycan ordusunun nəzarətində olduğu vurğulanıb.
Açıqlamada Ermənistan ordusunun hər iki ölkənin sərhədində atəşkəsi pozduğu və Tovuz, Gedebey və Daşkəsən vilayətlərindəki Azərbaycan mövqelərinin Ermənistan ərazisindən atəşə tutulduğu bildirilib.
